– ءبىز مەملەكەت باسشىسىنىڭ وقۋشىلاردىڭ وفلاين رەجيمدە وقۋلارى ءتيىس دەگەن تاپسىرماسىن ورىنداۋعا مىندەتتىمىز. ول ءۇشىن ءقاۋىپسىز جاعدايلاردى قامتاماسىز ەتۋىمىز كەرەك. ءبىز سول ءۇشىن جۇمىس ىستەپ جاتىرمىز، – دەدى الماتى قالاسى سەبد باسشىسى.
جانداربەك بەكشين، بىرىنشىدەن، مەگاپوليستىڭ بارلىق مەكتەپتەرىندە Ashyq جوباسىن ەنگىزىلەتىنىن ايتتى. بۇل وقۋ ورىندارىنا دەرت جۇقتىرعان نەمەسە كۆي-مەن اۋىرعاندارمەن بايلانىستا بولعانداردىڭ كىرۋىنە جول بەرمەۋ ءۇشىن جاسالادى. بۇگىندە «اتامەكەن» اۋماقتىق پالاتاسىنىڭ اقپاراتى بويىنشا، مەكتەپتەر مەن مەكتەپكە دەيىنگى مەكەمەلەردىڭ 100%-ى QR-كودىن الدى جانە 1 قىركۇيەكتەن باستاپ Ashyq-تا جۇمىس جاساۋعا دايىن.
– قورعانۋدىڭ ەكىنشى جەلىسى – وقۋشىلار جينالاتىن ورىنداردا – اسحانالاردا، جۋىناتىن بولمەلەردە رەسيركۋلياتورلاردى ەنگىزۋ. ءبىز بۇل ماسەلەنى مەكتەپ اكىمشىلىگىمەن قاراستىرىپ، اتا-انالار كوميتەتىمەن تالقىلايتىن بولامىز. ءۇشىنشى جەلى – سىنىپتاردا اۋانى تازارتاتىن دەزوراتورلاردى ورناتۋ. بۇل جاپوندىق يننوۆاسيالىق قۇرىلعى. قۇرىلعىلار قازاقستانعا جەتكىزىلدى. دەزينفەكسيا قۇرالدارى دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىندە سەرتيفيكاتتالعان، سىنالعان جانە تىركەلگەن. ەگەر بۇل باعدارلاما ماقۇلدانسا، ونى ەنگىزەتىن بولامىز، – دەدى الماتى قالاسىنىڭ باس سانيتارلىق دارىگەرى.
ول ۆەدومستۆا جۇمىسىنداعى باستى ماسەلە قالا وقۋشىلارىنىڭ قاۋىپسىزدىگىن قامتاماسىز ەتۋ ەكەنىن ەرەكشە اتاپ ءوتتى.
– ءبىز بالالارىمىزدىڭ ءقاۋىپسىز ورتادا وقۋىنا مۇقيات دايىندالۋدامىز. ال ءبىز ولارعا بيىل وفلاين رەجيمدە ءبىلىم بەرۋىمىز كەرەك. ءبىر جىلدان بەرى بالالار قاشىقتان وقىدى، جانە بۇل، ارينە، ءبىلىم ساپاسىنا اسەر ەتەدى، – دەپ قوستى جانداربەك بەكشين.
ستۋدەنتتەرگە كەلەتىن بولساق، الماتى قالالىق سەبد باسشىسى قالانىڭ جوعارى وقۋ ورىندارى مەن كوللەدجدەر وقىتۋشىلارىنىڭ جوعارى دەڭگەيدە ۆاكسينالانعانىن حابارلادى. سونداي-اق، جوعارى جانە ورتا ارناۋلى وقۋ ورىندارىنا Ashyq جۇيەسىن ەنگىزۋ تۋرالى ماسەلە قويىلادى. جانداربەك بەكشين ستۋدەنتتەر اراسىندا ۆاكسيناسيا بويىنشا ءتۇسىندىرۋ جۇمىستارى جۇرگىزىلىپ جاتقانىن اتاپ ءوتتى.
– ستۋدەنتتەر دە ونلاين وقۋدان مەزى بولدى. ءبىراق ولاردى تولىقتاي قامتاماسىز ەتۋ ءۇشىن بارلىق تالاپتاردى ورىنداپ، مەكتەپتەردە عانا ەمەس، قالانىڭ كوللەدجدەرى مەن جوعارى وقۋ ورىندارىندا دا ءقاۋىپسىز ءبىلىم الۋعا جاعداي جاساۋ قاجەت، – دەدى الماتى قالاسىنىڭ باس سانيتارلىق دارىگەرى.
