Sóitken depýtat: «Baiaǵyda minbege shyǵyp, sóz alý úshin, aqparat taratý úshin dáleldengen eńbegiń, qoǵamda pikir aitatyn bedeliń bolýy kerek edi, al munda erinbegen adamnyń barlyǵy oiyna kelgenin jaza beretin bolǵan» — dedi.
Óz sózinde Bekbolat Tileýhan Feisbýk AQSh-ta otbasymen balyq aýlaýǵa barǵandary sekildi demalystarynyń sýretin salatyn áleýmettik jeli bolyp sanalatynyn mysal ete kele: «Al bizde, Qazaqstan qoǵamynda bul saiasi arenaǵa ainalyp otyr. Osyny aýyzdyqtaý úshin ne isteý kerek degen másele Aqparat ministrliginiń aldynda tur», – dedi.
Depýtattyń bul aitqany qoǵamda belgili bir deńgeide rezonans týǵyzdy. Túrli pikirler aityldy. Sonyń biri — belgili bloger Aigúl Orynbektiki.
Aigúl Orynbek Facebook-tegi jeke paraqshasynda bylai dep jazady:
BEKBOLAT AǴAMA!
Oqýshylardyń tamaǵyn joiǵandardy; Mektep, jol, kópir salamyz dep memlekettiń aqshasyn jegenderdi; Beibitshilik kúnde qolyna qarý alyp beikúná azamattardy atqandardy; «Balaq kesip», qazaqtyń qyzdaryn talaq aityp bir birlerine syilaǵan baýyrlaryńdy; Jerdi satamyn dep zań shyǵarǵandardy aýyzdyqtasańyz qaida qaldyńyz?
Aýzyna aýyzdyq salatyndai, halyq mal ma edi? Aýyzdyqty sizge salý kerek. Jaǵympazdanyp «tórt aiaqtap», qoldaityndarǵa!
Halyq burynǵydai qarańǵy emes! Ne sairasańyzdar da sene beretin, halyq burynǵydai jýas qoi emes, júnimizdi qyrqady ǵoi dep jata beretin! Halyq qazir kúsh! Halyqtyń aýyzyn jabýdy oilamai, halyqtyń kóńilinen shyǵýdy oilańyz aǵa!
Minbege halyqtyń aýzyn jabý úshin otyrdyńyz ba? Qyrshyn ketken toǵyz politsiia qyzmetkerleriniń jaǵdaiyn siz tolǵamaǵanda kim tolǵaidy? Zorlanyp jatqan sábilerdiń jan aiqaiyn siz jyrlamaǵan da kim jyrlaidy aǵa? Qazaqty ózge ulttarǵa jyǵyp beretin zańy bar eldi siz joimaǵan da kim joiady aǵa? Aǵa, nege biz osynyń bərin kóre tura aýyzdyqtalýymyz kerek?
Siz aita almaǵan dúnieni biz aitqanymyz úshin kinəlimiz be? Sol úshin aýyzdyqtalýymyz kerek pe? Osyǵan jaýap berińizshi, aǵa!
Daiyndaǵan, Kámshat Sátieva
Derekkóz: kaz.365info.kz
