Úkimettik komissiia Almaty oblysynda Bek Air áýe kompaniiasyna tiesili jolaýshylar ushaǵynyń qulaýynyń aldyn-ala sebepterin jariialady, dep habarlaidy Sputnik Qazaqstan.
"Eki kúnge jýyq turaqta turǵan ushaqtyń syrtqy qabatyna muzdyń qatýy - apattyń basty sebebiniń nusqasy retinde qarastyrylady. Iá, basty boljam - ushaqqa muzdyń qatýy", - dedi vitse-premer, QR Indýstriia jáne infraqurylymdy damytý vitse-ministri Roman Skliar.
- Muz qatyrmas úshin qoldanylatyn suiyqtyqpen ushaqty óńdeý jumystary shala júrgizilgen, - dep sózin jalǵastyrdy ol.
"Komandirdiń sheshimi boiynsha ushaqtyń tek "stabilizator" qondyrǵysy ǵana bul suiyqtyqpen óńdelgen, al ushaq qanattary nazardan tys qalǵan", - dedi Skliar.
Ol júk kólemine qatysty eshqandai zańbuzýshylyqtar joqtyǵyn, sol sekildi aldynda ushqan ushaq qaldyrǵan jel iirimi qaiǵyly jaǵdaiǵa sebep retinde qarastyrylmaitynyn da basa aitty.
"Jel turaqty boldy, jel jyldamdyǵynyń baǵyttaryna qarasaq, mundai jaǵdaida aldynda ushqan ushaq qanattary qaldyrǵan iz sol jaqqa keminde 5 metr qashyqtyqqa aýytqityn edi. Onyń ushaqtyń qiyn jaǵdaiǵa tap bolatyndai áseri joq, - dedi Skliar.
- Ekipajdyń aviatsiialyq tehnika boiynsha jumystaryna qatysty eshqandai eskertýimiz joq. Ushaq tolyqtai ushýǵa daiyn boldy, - dep sózin túiindedi ol.
Aita ketsek, 2019 jyly 27 jeltoqsanda tańǵy saǵat 07:21-de "Bek Air" áýe kompaniiasynyń №Z2100 reisi, "Almaty – Nur-Sultan" baǵyty boiynsha ushyp shyqqan Fokker-100 ushaǵy áýege kóterilý kezinde tómen quldilap, beton qorshaýdy buzyp ótken. Almaty qalasynyń Qazaeronavigatsiia baiandamasy boiynsha, saǵat 07:22-de ushaqtyń áýege kóterilýi kezinde dispetcherler ushqyndardy baiqaǵan. Radar ekranynan ushaq belgisi joǵalyp ketken. Dabyl qaǵylǵan.
Saǵat 08:04-te Almaty qalasynyń Tótenshe jaǵdailar departamenti ushý jolaǵynan 1,8 shaqyrym qashyqtyqtaǵy Almaty oblysy Talǵar aýdany Gúldala aýylynyń shetinde ashyq aýmaqta Fokker-100 ushaǵynyń qulaǵanyn anyqtady.
Ushaq Almatydan ushqan kezde áýe kemesiniń bortynda 98 adam bolǵan, onyń ishinde 9-y – bala jáne 5-eýi – ekipaj músheleri. Oqys oqiǵa saldarynan barlyǵy 12 adam qaza tapqan, Almaty qalasynyń túrli meditsinalyq mekemelerine 53 adam jetkizilgen, onyń ishinde 8 adamnyń jaǵdaiy asa aýyr dep baǵalandy.
Osyǵan qatysty Memleket basshysynyń Jarlyǵymen arnaiy úkimettik komissiia qurylyp, olar tekserý nátijesin 2020 jyldyń 10 qańtaryna deiin jariialaýy tiis delindi.
