ٷكٸمەتتٸك كوميسسييا الماتى وبلىسىندا Bek Air ەۋە كومپانيياسىنا تيەسٸلٸ جولاۋشىلار ۇشاعىنىڭ قۇلاۋىنىڭ الدىن-الا سەبەپتەرٸن جارييالادى, دەپ حابارلايدى Sputnik قازاقستان.
"ەكٸ كٷنگە جۋىق تۇراقتا تۇرعان ۇشاقتىڭ سىرتقى قاباتىنا مۇزدىڭ قاتۋى - اپاتتىڭ باستى سەبەبٸنٸڭ نۇسقاسى رەتٸندە قاراستىرىلادى. يە, باستى بولجام - ۇشاققا مۇزدىڭ قاتۋى", - دەدٸ ۆيتسە-پرەمەر, قر يندۋسترييا جەنە ينفراقۇرىلىمدى دامىتۋ ۆيتسە-مينيسترٸ رومان سكليار.
- مۇز قاتىرماس ٷشٸن قولدانىلاتىن سۇيىقتىقپەن ۇشاقتى ٶڭدەۋ جۇمىستارى شالا جٷرگٸزٸلگەن, - دەپ سٶزٸن جالعاستىردى ول.
"كومانديردٸڭ شەشٸمٸ بويىنشا ۇشاقتىڭ تەك "ستابيليزاتور" قوندىرعىسى عانا بۇل سۇيىقتىقپەن ٶڭدەلگەن, ال ۇشاق قاناتتارى نازاردان تىس قالعان", - دەدٸ سكليار.
ول جٷك كٶلەمٸنە قاتىستى ەشقانداي زاڭبۇزۋشىلىقتار جوقتىعىن, سول سەكٸلدٸ الدىندا ۇشقان ۇشاق قالدىرعان جەل يٸرٸمٸ قايعىلى جاعدايعا سەبەپ رەتٸندە قاراستىرىلمايتىنىن دا باسا ايتتى.
"جەل تۇراقتى بولدى, جەل جىلدامدىعىنىڭ باعىتتارىنا قاراساق, مۇنداي جاعدايدا الدىندا ۇشقان ۇشاق قاناتتارى قالدىرعان ٸز سول جاققا كەمٸندە 5 مەتر قاشىقتىققا اۋىتقيتىن ەدٸ. ونىڭ ۇشاقتىڭ قيىن جاعدايعا تاپ بولاتىنداي ەسەرٸ جوق, - دەدٸ سكليار.
- ەكيپاجدىڭ اۆياتسييالىق تەحنيكا بويىنشا جۇمىستارىنا قاتىستى ەشقانداي ەسكەرتۋٸمٸز جوق. ۇشاق تولىقتاي ۇشۋعا دايىن بولدى, - دەپ سٶزٸن تٷيٸندەدٸ ول.
ايتا كەتسەك, 2019 جىلى 27 جەلتوقساندا تاڭعى ساعات 07:21-دە "Bek Air" ەۋە كومپانيياسىنىڭ №Z2100 رەيسٸ, "الماتى – نۇر-سۇلتان" باعىتى بويىنشا ۇشىپ شىققان Fokker-100 ۇشاعى ەۋەگە كٶتەرٸلۋ كەزٸندە تٶمەن قۇلديلاپ, بەتون قورشاۋدى بۇزىپ ٶتكەن. الماتى قالاسىنىڭ قازاەروناۆيگاتسييا بايانداماسى بويىنشا, ساعات 07:22-دە ۇشاقتىڭ ەۋەگە كٶتەرٸلۋٸ كەزٸندە ديسپەتچەرلەر ۇشقىنداردى بايقاعان. رادار ەكرانىنان ۇشاق بەلگٸسٸ جوعالىپ كەتكەن. دابىل قاعىلعان.
ساعات 08:04-تە الماتى قالاسىنىڭ تٶتەنشە جاعدايلار دەپارتامەنتٸ ۇشۋ جولاعىنان 1,8 شاقىرىم قاشىقتىقتاعى الماتى وبلىسى تالعار اۋدانى گٷلدالا اۋىلىنىڭ شەتٸندە اشىق اۋماقتا Fokker-100 ۇشاعىنىڭ قۇلاعانىن انىقتادى.
ۇشاق الماتىدان ۇشقان كەزدە ەۋە كەمەسٸنٸڭ بورتىندا 98 ادام بولعان, ونىڭ ٸشٸندە 9-ى – بالا جەنە 5-ەۋٸ – ەكيپاج مٷشەلەرٸ. وقىس وقيعا سالدارىنان بارلىعى 12 ادام قازا تاپقان, الماتى قالاسىنىڭ تٷرلٸ مەديتسينالىق مەكەمەلەرٸنە 53 ادام جەتكٸزٸلگەن, ونىڭ ٸشٸندە 8 ادامنىڭ جاعدايى اسا اۋىر دەپ باعالاندى.
وسىعان قاتىستى مەملەكەت باسشىسىنىڭ جارلىعىمەن ارنايى ٷكٸمەتتٸك كوميسسييا قۇرىلىپ, ولار تەكسەرۋ نەتيجەسٸن 2020 جىلدىڭ 10 قاڭتارىنا دەيٸن جارييالاۋى تيٸس دەلٸندٸ.
