Baitursynovtyń murajaiy Almatynyń menshigine qaitaryldy
Baqytjan Saǵyntaev A. Baitursynovtyń murajai-úiine bardy. Qala ákimi murajai-úidi qoǵamdyq qordan kommýnaldyq menshikke berý týraly sheshim qabyldanǵanyn aitty.
– Keler jyly kórnekti aǵartýshy A. Baitursynovtyń týǵanyna 150 jyl tolady. Mereitoiǵa daiyndyq barysynda qoǵam qairatkeri turǵan murajai-úidi qala menshigine qaitardyq. Onyń murasy máńgilik saqtalady, – dep jazdy Baqytjan Saǵyntaev óziniń Twitter-degi akkaýntynda.
HH ǵasyrdyń basynda salynǵan murajai ǵimaraty respýblikalyq mańyzy bar tarih jáne mádeniet eskertkishteriniń memlekettik tizimine engizilgen. Ǵimarattyń jalpy aýdany – 160 sharshy metrdi quraidy.
Murajai 1993 jyly quryldy jáne 1998 jyly resmi túrde ashyldy. Murajaida A. Baitursynovtyń ómiri men shyǵarmashylyǵy týraly 500-ge jýyq materialdar saqtalǵan.
