Baıqońyr qalasyndaǵy kásiporyndardyń biriniń esepshisi jumysshylardyń jalaqysyn qasaqana "ósirip", artynsha ony ózi jınap alyp kelgen, dep habarlaıdy Dalanews.kz.

Býhgalter qyzmetkerlerge jalaqysynan kóbirek aýdarǵan. Keıin júıede aqaý bolǵanyn aıtyp, aqshalaryn qaıtarýdy talap etedi. Osyndaı alaıaqtyq arqyly esepshi bir jarym jyl ishinde 6,4 mıllıon rúbl (32 mıllıon teńge) paıda kórgen.

"Kúdikti Qazaqstan azamaty bolǵandyqtan, keshen prokýratýrasy qaladaǵy qazynalyq kásiporyndardyń biriniń esepshisine qatysty qylmystyq isti joldady. Reseı Federasıasynyń Qylmystyq kodeksiniń 159-babynyń 4-tarmaǵy “Adamnyń qyzmettik babyn paıdalanyp jasaǵan alaıaqtyq” boıynsha is qozǵaldy”, – dep jazdy prokýratýradan.

Áıel alaıaqtyq jasaǵany úshin múlki tárkilenip, on jylǵa deıin bas bostandyǵynan aıyrýy múmkin.