Elordalyq Baiqońyr aýdanynda "Halyq qatysatyn biýdjet" jobasy aiasynda abattandyrý boiynsha ótinimderdi qabyldaý bastaldy.
Óz usynystaryn aýdannyń kámeletke tolǵan barlyq turǵyndary jibere alady, dep habarlaidy Astana ákimdiginiń resmi saity.
Jobanyń maqsaty - turǵyndardyń bastamasy men usynystary boiynsha aýdandy abattandyrý.
Usynystardy Baiqońyr aýdany ákimdiginiń WWW.BAIKONYR-ASTANA.KZ resmi internet-resýrsynyń "Halyq qatysatyn biýdjet 2025" bólimine jiberýge bolady. Usynysty jiberý úshin ótinimdi toltyrý qajet (jobanyń ataýyn, onyń sipattamasyn kórsetý), eskiz ben smetany (indikativti bolýy múmkin), aǵymdaǵy kúidiń fotosýretterin, qalaýyńyz boiynsha prezentatsiiany tirkeý qajet. Osy bólimde osy jobanyń erejeleri, tiptik jobalyq usynys, joba boiynsha is-sharalar merzimi, saraptamalyq keńestiń quramy kórsetilgen.
Saraptamalyq keńestiń sheshimi negizinde Baiqońyr aýdany ákiminiń apparaty jobalyq usynystardy iske asyrýǵa kirisedi. Saraptamalyq keńes sheshiminiń nátijeleri jáne jobany iske asyrý ákimdiktiń internet-resýrsynda jariialanatyn bolady.
Eger jobalyq usynysty daýys berý protsesinde basqa turǵyndar qoldasa, ony biyl qalalyq biýdjet qarajaty esebinen iske asyrýǵa usynylady.
Ótinimder 2025 jyldyń 1 naýryzyna deiin qabyldanady.
"Halyq qatysatyn biýdjet" jobasy aiasyndaǵy qosymsha suraqtar jóninde tómendegi bailanys nómiri boiynsha bilýge bolady: +7 701 553 2627, abattandyrý bóliminiń basshysy Rahat Kenjetaev.
Esterińizge sala keteiik, biyl Astanada barlyǵy 170 aýla men qoǵamdyq keńistik abattandyrylady. Mundai jumystar qalanyń barlyq aýdandarynda júrgizilýde, sonyń ishinde turǵyn alaptary da qamtylǵan. Jumystyń kóp bóligi aiaqtaldy.
