ەلوردالىق بايقوڭىر اۋدانىندا "حالىق قاتىساتىن بيۋدجەت" جوباسى اياسىندا اباتتاندىرۋ بويىنشا ٶتٸنٸمدەردٸ قابىلداۋ باستالدى.
ٶز ۇسىنىستارىن اۋداننىڭ كەمەلەتكە تولعان بارلىق تۇرعىندارى جٸبەرە الادى, دەپ حابارلايدى استانا ەكٸمدٸگٸنٸڭ رەسمي سايتى.
جوبانىڭ ماقساتى - تۇرعىنداردىڭ باستاماسى مەن ۇسىنىستارى بويىنشا اۋداندى اباتتاندىرۋ.
ۇسىنىستاردى بايقوڭىر اۋدانى ەكٸمدٸگٸنٸڭ WWW.BAIKONYR-ASTANA.KZ رەسمي ينتەرنەت-رەسۋرسىنىڭ "حالىق قاتىساتىن بيۋدجەت 2025" بٶلٸمٸنە جٸبەرۋگە بولادى. ۇسىنىستى جٸبەرۋ ٷشٸن ٶتٸنٸمدٸ تولتىرۋ قاجەت (جوبانىڭ اتاۋىن, ونىڭ سيپاتتاماسىن كٶرسەتۋ), ەسكيز بەن سمەتانى (ينديكاتيۆتٸ بولۋى مٷمكٸن), اعىمداعى كٷيدٸڭ فوتوسۋرەتتەرٸن, قالاۋىڭىز بويىنشا پرەزەنتاتسييانى تٸركەۋ قاجەت. وسى بٶلٸمدە وسى جوبانىڭ ەرەجەلەرٸ, تيپتٸك جوبالىق ۇسىنىس, جوبا بويىنشا ٸس-شارالار مەرزٸمٸ, ساراپتامالىق كەڭەستٸڭ قۇرامى كٶرسەتٸلگەن.
ساراپتامالىق كەڭەستٸڭ شەشٸمٸ نەگٸزٸندە بايقوڭىر اۋدانى ەكٸمٸنٸڭ اپپاراتى جوبالىق ۇسىنىستاردى ٸسكە اسىرۋعا كٸرٸسەدٸ. ساراپتامالىق كەڭەس شەشٸمٸنٸڭ نەتيجەلەرٸ جەنە جوبانى ٸسكە اسىرۋ ەكٸمدٸكتٸڭ ينتەرنەت-رەسۋرسىندا جارييالاناتىن بولادى.
ەگەر جوبالىق ۇسىنىستى داۋىس بەرۋ پروتسەسٸندە باسقا تۇرعىندار قولداسا, ونى بيىل قالالىق بيۋدجەت قاراجاتى ەسەبٸنەن ٸسكە اسىرۋعا ۇسىنىلادى.
ٶتٸنٸمدەر 2025 جىلدىڭ 1 ناۋرىزىنا دەيٸن قابىلدانادى.
"حالىق قاتىساتىن بيۋدجەت" جوباسى اياسىنداعى قوسىمشا سۇراقتار جٶنٸندە تٶمەندەگٸ بايلانىس نٶمٸرٸ بويىنشا بٸلۋگە بولادى: +7 701 553 2627, اباتتاندىرۋ بٶلٸمٸنٸڭ باسشىسى راحات كەنجەتاەۆ.
ەستەرٸڭٸزگە سالا كەتەيٸك, بيىل استانادا بارلىعى 170 اۋلا مەن قوعامدىق كەڭٸستٸك اباتتاندىرىلادى. مۇنداي جۇمىستار قالانىڭ بارلىق اۋداندارىندا جٷرگٸزٸلۋدە, سونىڭ ٸشٸندە تۇرعىن الاپتارى دا قامتىلعان. جۇمىستىڭ كٶپ بٶلٸگٸ اياقتالدى.
