Sý resýrstary jáne irrigatsiia ministri Nurjan Nurjigitovten jýrnalister Jambyl oblysynyń ákimi Erbol Qarashókeev synalǵan áleýmettik jelidegi jazbaǵa ne sebepti laik basqanyn surady, - dep habarlaidy Dalanews.kz.
Ministr ne dep aqtaldy?
"Qarashókeevtiń jumysyna kóńilińiz tolmai ma? Oǵan teris pikirdesiz be?" – dep suraǵanda, ministr bul áreketin esine túsire almaitynyn aitty.
"Laik basqanym esimde joq. Áleýmettik jelini qarap otyrǵan kezde basylyp ketken shyǵar. "A tak" teris kózqarasym joq", – dedi Nurjigitov.
"Jambyl oblysymen jaqsy tanys". Shendilerdiń buǵan deiingi qyzmeti
Aita keteiik, Nurjan Nurjigitov buǵan deiin Jambyl oblysynyń ákimi qyzmetin atqarǵan.
Ol 2022-2023 jyldary aimaqty basqardy, al 2023 jyly sý resýrstary jáne irrigatsiia ministri bolyp taǵaiyndaldy.
Al Erbol Qarashókeev óz kezeginde Qazaqstannyń aýyl sharýashylyǵy ministri bolyp qyzmet etti.
2021-2023 jyldary ministr bolǵan ol 2023 jyly Jambyl oblysynyń ákimi laýazymyna keldi.
Laikqa reaktsiia
Ministrdiń kútpegen "laiki" qoǵamda ártúrli pikir týdyrdy. Keibireýler muny qarapaiym tehnikalyq qate dep eseptese, endi bireýleri bul Nurjigitovtiń Qarashókeevtiń jumysyna degen kózqarasyn bildirýi múmkin ekenin alǵa tartyp otyr.
Memlekettik qyzmetkerlerdiń áleýmettik jelidegi ár áreketi jii nazarǵa iligetindikten, olardyń kez kelgen qadamy qoǵamda úlken talqyǵa túsetini belgili.
