Bailarymyz arab elinde villalar salyp, aqshasyn Angliiada saqtapty
– Ministr biznesti basynan bastaýǵa bolatynyn aitqan bolatyn. Kásipker úshin bul neni bildiredi?
– Biz 2 jyl boiy azamattarǵa barlyq aqsha qarajatyn zańdastyryp, bar tabysyn aqsha túrinde kórsetýge, jyljymaityn múlikterin kóleńkeli ainalymnan shyǵarýǵa, ony jariialaýǵa múmkindik berdik. Sóitip, ony zańdastyrýǵa salynǵan qarajattan úlken úlesti kórip otyrmyz. Bul 4,1 trln teńgeni qurady. Kásipker úshin osyny bildiredi.
«Biznesti basynan bastaý degenimiz» azamattar zańdastyrǵan kiristiń bári kóleńkeli sipatqa ie ekenin bildiredi. Bul aqshadan salyq tólengen emes, olar buny odan ári qarai jasyrdy.
Kiristi zańdastyrǵan soń kez kelgen adam ony salyq deklaratsiiasynda kórsete alady. Biz salyq boiynsha olarǵa qatysty qylmystyq, ákimshilik tekserý bolmaitynyna zań júzinde kepildik berdik. Zańdastyrylǵan múlik tárkilenbeidi. Zańda buǵan kepildik bere otyryp, zańdastyrylǵan kiristiń bárin qoryqpai kórsetýge bolatynyn aittyq. Kezinde múliktiń baǵasy qansha bolǵanyn, aktivterdiń qansha qarajatqa satyp alynǵanyn jáne sheteldegi, Qazaqstandaǵy bank esepshotyndaǵy osy aqsha qaidan kelgenin suramaimyz.
– Kórsetilgen merzimde múlkin jáne qarajattaryn zańdastyrmaǵan qazaqstandyqtarǵa qandai shara qoldanylady?
– Shetelde nemese Qazaqstanda nysandaryn jasyrǵan azamattardy memlekettik kirister organdary men tiisti ókiletti organdar anyqtap biledi. Zań boiynsha ákimshilik jáne qylmystyq jaýapkershilikke tartylady Iaǵni, salyq salynatyn nysandardy jasyrǵany úshin sanktsiia salynady. Birinshi ret – 250 AEK, bir jyl ishinde taǵy bireýi anyqtalsa, 500 AEK aiyppul tóleidi. Quqyq buzýshylyq qylmystyq tergeýge jatatyn bolsa, sáikesinshe, Qylmystyq kodeks boiynsha 3 jylǵa deiin bas bostandyǵynan aiyrý jazasy da qarastyrylǵan.
– Mundai tulǵalar qalai anyqtalady?
– Bizde kóleńkeli ekonomikaǵa qarsy is-sharalar jospary bar. Soǵan sáikes Memlekettik kirister komitetiniń tiisti josparyna sai zańdastyrý jumystary júrgiziledi. Azamattardyń mundai kategoriiasyna zańdastyrýǵa múmkindik berip, tekserýlerden ózderin qorǵaýǵa quqyq berdik. Al, bul aktsiiany paidalanbaǵandardy, aldymen, ózimiz ratifikatsiialaǵan salyq konventsiialary aiasynda álemdik kirister boiynsha tekseremiz. Onyń ishinde, Strasbýrg konventsiiasy bar. Ol 2015 jyly ratifikatsiialandy. Bul qujatqa 100-degen el qol qoidy. Sol elder arasynda esepter men múlikke bailanysty tiisti málimet almasýlar bolyp turady. Iaǵni, eger bizdiń azamattarymyz ózderiniń aktivterin jasyryn ustasa, sol elderdiń ýákiletti organdary bizge avtomatty túrde aqparat beredi. Bul azamattar bizde bul múlikti zańdastyrdy ma, tirkedi me, álde joq pa? Eger anaý, ne basqasy oryndalsa, onda olar tynysh uiyqtai alady. Eger joq bolsa, onda zań boiynsha jaýap beredi.
– Qazaqstandyqtar ózderiniń jasyryn jinaqtaryn kóbine qai elderde saqtaidy?
– Olar kóbine Eýropa elderinde – Ulybritaniia, Shveitsariia, Ispaniia, Vengriiada, sondai-aq Birikken Arab Ámirlikteri, AQSh, Qytaida saqtaidy. Al, kórshi elderdiń ishinde Resei, Ózbekstan men Qyrǵyzstanda múlikti zańdastyrǵan. Al, Eýropa men Ulybritaniiada baǵaly qaǵazdardy saqtaǵan. BAÁ-de villalar, kottedjder satyp alǵan.
Derekkózi: stan.kz
