Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Baikerler Shý aýdanynda

Dalanews
Baikerler Shý aýdanynda
Shý aýdanynyń ortalyǵynda «Orta Aziia» motosherýiniń birinshi maýsymynyń jabylý saltanaty ótti. Motosherý kórshiles Resei, Tájikstan, Ózbekstan jáne Qyrǵyz Respýblikasynyń motoklýb múshelerinen quralǵan. Atap óterligi, motosherý quramynda «Liberti Shý» motoklýbynyń eki múshesi boldy. Qos dóńgelekti temir tulpar mingesken baikerler aǵymdaǵy jyldyń naýryz aiynda saparlaryn Qyrǵyz jerinen bastaý alyp, Almaty, Taraz, Shymkent, Tashkent, Buhara, Dýshanbe, Osh qalalaryn kesip ótip, odan Ystyq kóldi ainalyp, osydan eki apta buryn qaitadan Almatyǵa jetken. Sherý jalpy 8600 km qamtydy. Ortaaziialyq Moto Assotsiiatsiianyń sheshimi boiynsha «Orta Aziia» motosherýiniń jabylýy Shý jerinde ótýi – aýdanda týrizm salasynyń damyǵandyǵyn dáleldei alatyn birden-bir kórsetkish.

Motosherýdiń saltanatty jabylý sátinde aýdan ákiminiń orynbasary Klara Qojaǵappanova aýdan basshysynyń atynan quttyqtaý sózin sóilep, izgi tilegin jetkizdi. Sondai-aq, «Liberti Shý» motoklýbynyń bas baikeri Qanat Ádilbekov ústimizdegi jyldyń naýryzynda «Jibek joly-2018» motosherý maýsymynyń ashylýy jáne osy jolǵy «Orta aziia» motosherýiniń birinshi maýsymynyń jabylý saltanaty Shý aýdanynda ótkizilip jatqany úlken mártebe ekendigin zor maqtanyshpen atap ótti. Rasymen de, oblys ortalyǵynan shalǵai ornalasqan bul aýdanǵa birneshe memlekettiń ókilderinen quralǵan baikerlerdiń bas qosýy úlken qýanysh. Bul bir jaǵynan aýdannyń abyroiyn asqaqtatsa, ekinshi jaǵynan mundaǵy turǵyndardy bir serpiltip tastaǵany jasyryn emes.

Jastardy nashaqorlyqqa qarsy kúreske shaqyrý, sportqa baýlý jáne týrizmdi damytý maqsatynda uiymdastyrylǵan motosherýge qatysýshylar aýdan ortalyǵynda kópshilik aldynda motoqoiylymdar qoiyp, qyzyqty oiyndar uiymdastyrdy. Al shara sońynda jastardyń temir tulparlarǵa otyryp kórýlerine múmkindik syilady. Aita ketýimiz kerek, dál osy is-shara Shý aýdanynda birinshi márte ótkizilip otyrǵan joq. Dálirek aitar bolsaq, birqatar eldiń baikerleri jyl saiyn kieli Shý jerinde bas qosyp, aýdan turǵyndaryna úlken áser syilaityndai qoiylymdaryn qoiýdy dástúrge ainaldyrǵan. Bilýimizshe, bul shara jyldaǵy dástúrge sai, kelesi jyly da Shý aýdanynda jalǵasyn tappaq.

Jambyl oblysy

Shý aýdany

 
Shymkent Almaty Taraz Tashkent Shý aýdany Buhara motosherý Liberti Shý Madina Sádýaqasova

Oqi otyryńyz