Qoǵamdyq qabyldaýǵa «Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev, Báidibek aýdanynyń ákimi Erjigit Sháripbekov, oblystyq basqarma basshylary men orynbasarlary jáne oblystyq máslihat depýtattary qatysyp, turǵyndardyń ótinishteri men tilekterin tyńdady.
Qoǵamdyq qabyldaýda 14 turǵynnyń ótinishi tyńdaldy. Olardyń basym bóligi gazben qamtý, densaýlyq saqtaý jáne áleýmettik nysandardy jóndeý, jol, turǵyn úi jáne ózge de máseleler boiynsha aryzdandy. Qoshqarata aýylynyń turǵyny Sársenbek Kádirqululy «Qoshqarata – Birlik» tas jolynyń 6,5 shaqyrymyna asfalt tóselse» degen ótinishin jetkizdi. Túrkistan oblysy jolaýshylar kóligi jáne avtomobil joldary basqarma basshysynyń orynbasary Maqsat Myrzabaev bul másele boiynsha zerdeleý jumystary júrgizilip, komissiia qaraýyna usynylatynyn, oń sheshim qabyldansa, smetalyq jobasy jasalatynyn aitty.
Shaian aýylynyń turǵyny Shekerbek Iliasovtyń ortaq jaiylym jer aýmaǵy keńeitilse degen ótinishin aýdan ákimi Erjigit Sháripbek tikelei baqylaýǵa alyp, bul túitkil sheshiletin boldy.
Jumanáli Tursynbekov degen turǵyn Myńbulaq aýyldyq okrýgine júrgizilgen tabiǵi gaz júiesin ereterek paidalanýǵa berý jónindegi el talabyn jetkizdi. Aýdan ákimi ol aýylǵa gaz biyl beriletinin málimdedi. Bul másele partiia baqylaýyna alyndy.
Kóshpeli qoǵamdyq qabyldaýda aýdandaǵy indýstrialdy aimaqtyń jai-kúii, 16 páterli 7 turǵyn úidiń injenerlik jumystaryn júrgizý, Boraldai aýyldyq okrýgindegi skvajinalardy iske qosý, mádeniet úiin salý, Aǵybet eldi mekenindegi ambýlotoriia máselesin sheshý baǵytynda ótkir suraqtar qoiylyp, ótinishter qabyldandy. Bul túitkilderdiń bári bir kúnde sheshiletin dúnieler emes. Onyń basym bóligi zerdelenip, biýdjetke usynylady.
Sondyqtan ol jergilikti ákimdiktiń josparynda jáne partiia filialynyń baqylaýynda bolady. «Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev árbir ótinish hattamaǵa engizilip, tiisti jumys júrgiziletinin aitty. Oblystyq máslihat depýtattary – Ǵabiden Qapalbaev pen Erlan Nurmahanov jáne «Nur Otan» partiiasy Báidibek aýdandyq filialy tóraǵasynyń birinshi orynbasary Tursynáli Dúisenbekov atalǵan máseleler boiynsha depýtattyq saýaldar ázirlep, isti baqylaýǵa alady.
Búginde Elbasynyń partiiany qaita jańǵyrtý jónindegi tapsyrmasyna sáikes, aryz-shaǵymdarmen jumys júrgizý kúsheie tústi. 2020 jyly partiianyń Báidibek aýdandyq filialynyń qoǵamdyq qabyldaý bólmesine 856 adam júgingen, bul 2019 jyldyń sáikes kezeńimen salystyrǵanda (219) 4 esege artyq. Nátijesinde 599 ótinish (70%) ońtaily sheshilip, 257 ótinishke zań aiasynda keńester berilgen. 2021 jyly qańtar-naýryz ailary boiynsha 66 ótinish kelip túsken. Onyń 20-sy (30,3%) ońtaily sheshilip, 45 ótinishke zań aiasynda keńester berilgen, 1 ótinish qaralý barysynda.
