قوعامدىق قابىلداۋعا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ، بايدىبەك اۋدانىنىڭ اكىمى ەرجىگىت شارىپبەكوۆ، وبلىستىق باسقارما باسشىلارى مەن ورىنباسارلارى جانە وبلىستىق ءماسليحات دەپۋتاتتارى قاتىسىپ، تۇرعىنداردىڭ وتىنىشتەرى مەن تىلەكتەرىن تىڭدادى.
قوعامدىق قابىلداۋدا 14 تۇرعىننىڭ ءوتىنىشى تىڭدالدى. ولاردىڭ باسىم بولىگى گازبەن قامتۋ، دەنساۋلىق ساقتاۋ جانە الەۋمەتتىك نىسانداردى جوندەۋ، جول، تۇرعىن ءۇي جانە وزگە دە ماسەلەلەر بويىنشا ارىزداندى. قوشقاراتا اۋىلىنىڭ تۇرعىنى سارسەنبەك كادىرقۇل ۇلى «قوشقاراتا – بىرلىك» تاس جولىنىڭ 6،5 شاقىرىمىنا اسفالت توسەلسە» دەگەن ءوتىنىشىن جەتكىزدى. تۇركىستان وبلىسى جولاۋشىلار كولىگى جانە اۆتوموبيل جولدارى باسقارما باسشىسىنىڭ ورىنباسارى ماقسات مىرزابايەۆ بۇل ماسەلە بويىنشا زەردەلەۋ جۇمىستارى جۇرگىزىلىپ، كوميسسيا قاراۋىنا ۇسىنىلاتىنىن، وڭ شەشىم قابىلدانسا، سمەتالىق جوباسى جاسالاتىنىن ايتتى.
شايان اۋىلىنىڭ تۇرعىنى شەكەربەك يلياسوۆتىڭ ورتاق جايىلىم جەر اۋماعى كەڭەيتىلسە دەگەن ءوتىنىشىن اۋدان اكىمى ەرجىگىت شارىپبەك تىكەلەي باقىلاۋعا الىپ، بۇل تۇيتكىل شەشىلەتىن بولدى.
ءجۇمانالى تۇرسىنبەكوۆ دەگەن تۇرعىن مىڭبۇلاق اۋىلدىق وكرۋگىنە جۇرگىزىلگەن تابيعي گاز جۇيەسىن ەرەتەرەك پايدالانۋعا بەرۋ جونىندەگى ەل تالابىن جەتكىزدى. اۋدان اكىمى ول اۋىلعا گاز بيىل بەرىلەتىنىن مالىمدەدى. بۇل ماسەلە پارتيا باقىلاۋىنا الىندى.
كوشپەلى قوعامدىق قابىلداۋدا اۋدانداعى يندۋستريالدى ايماقتىڭ جاي-كۇيى، 16 پاتەرلى 7 تۇرعىن ءۇيدىڭ ينجەنەرلىك جۇمىستارىن جۇرگىزۋ، بورالداي اۋىلدىق وكرۋگىندەگى سكۆاجينالاردى ىسكە قوسۋ، مادەنيەت ءۇيىن سالۋ، اعىبەت ەلدى مەكەنىندەگى امبۋلوتوريا ماسەلەسىن شەشۋ باعىتىندا وتكىر سۇراقتار قويىلىپ، وتىنىشتەر قابىلداندى. بۇل تۇيتكىلدەردىڭ ءبارى ءبىر كۇندە شەشىلەتىن دۇنيەلەر ەمەس. ونىڭ باسىم بولىگى زەردەلەنىپ، بيۋدجەتكە ۇسىنىلادى.
سوندىقتان ول جەرگىلىكتى اكىمدىكتىڭ جوسپارىندا جانە پارتيا فيليالىنىڭ باقىلاۋىندا بولادى. «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ ءاربىر ءوتىنىش حاتتاماعا ەنگىزىلىپ، ءتيىستى جۇمىس جۇرگىزىلەتىنىن ايتتى. وبلىستىق ءماسليحات دەپۋتاتتارى – عابيدەن قاپالبايەۆ پەن ەرلان نۇرماحانوۆ جانە «Nur Otan» پارتياسى بايدىبەك اۋداندىق فيليالى ءتوراعاسىنىڭ ءبىرىنشى ورىنباسارى ءتۇرسىنالى دۇيسەنبەكوۆ اتالعان ماسەلەلەر بويىنشا دەپۋتاتتىق ساۋالدار ازىرلەپ، ءىستى باقىلاۋعا الادى.
بۇگىندە ەلباسىنىڭ پارتيانى قايتا جاڭعىرتۋ جونىندەگى تاپسىرماسىنا سايكەس، ارىز-شاعىمدارمەن جۇمىس جۇرگىزۋ كۇشەيە ءتۇستى. 2020 جىلى پارتيانىڭ بايدىبەك اۋداندىق فيليالىنىڭ قوعامدىق قابىلداۋ بولمەسىنە 856 ادام جۇگىنگەن، بۇل 2019 جىلدىڭ سايكەس كەزەڭىمەن سالىستىرعاندا (219) 4 ەسەگە ارتىق. ناتيجەسىندە 599 ءوتىنىش (70%) وڭتايلى شەشىلىپ، 257 وتىنىشكە زاڭ اياسىندا كەڭەستەر بەرىلگەن. 2021 جىلى قاڭتار-ناۋرىز ايلارى بويىنشا 66 ءوتىنىش كەلىپ تۇسكەن. ونىڭ 20-سى (30،3%) وڭتايلى شەشىلىپ، 45 وتىنىشكە زاڭ اياسىندا كەڭەستەر بەرىلگەن، 1 ءوتىنىش قارالۋ بارىسىندا.
