Eks-sýdá Svetlana Jolmanovaǵa qatysty sot otyrysynda prokýror Raýshan Abdýlla aıyptaý aktisin oqydy,- dep habarlaıdy Dalanews.kz.
Tergeý málimetinshe, aıyptalýshy 2021 jyldan beri aldaý jáne senimge kirý arqyly jyljymaıtyn múlikti satyp alýǵa jáne tenderlik jobalarǵa qatysýǵa kómektesemin degen jeleýmen mıllıondaǵan teńgeni ıemdengen.
"Barlyq jábirlenýshige ol Janar esimdi qurbysyn jıi aıtqan. Onyń sózinshe, ol - sol kezdegi Almaty qalasynyń ákimi bolǵan Baýyrjan Baıbektiń áıeli, - dep jazylǵan aıyptaý aktisinde.
Tergeý barysynda qylmystyq árekettiń 48 epızody anyqtalyp, olar bir iske biriktirilgen. Búgingi sot otyrysynda prokýror onyń 16-syn ǵana oqyp úlgergen. Kelesi otyrystar 21, 22, 23 jáne 24 sáýirge josparlanǵan.
Aıta keteıik, 2021 jyldyń 28 sáýirinde Almaty qalasy Medeý aýdandyq sotynyń sýdıasy Svetlana Jolmanova alaıaqtyq jasady degen kúdikke ilindi.
Tintý kezinde sýdıanyń kabınetinen 10 myń dollar tárkilengen. Ol sot sheshimderin belgili bir adamdardyń paıdasyna shyǵarýǵa kómektesken degen kúdikke ilindi.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
