Baian Maqsatqyzy: «Eldiń sózi Tursynǵa ońai timeýde»
– Tursyn naýryz aiynda maǵan kóńilin bildirdi. Mamyrda men ózimdi erekshe baqytty sezindim. Iaǵni, ǵashyq bola bastadym. Maýsymda barsha jurt estigen qaiǵyly jaǵdai boldy, – dep qysqa qaiyrdy prodiýser 31 arna jańalyqtarynyń tikelei efirinde bergen suhbatynda.
– Biz ekeýmiz eki otbasynan bólinip qosylmaqshymyz. Qazir ol otbasyndaǵylar bir-birin túsinisip otyr dep aita almaimyn. Barlyǵyna ýaqyt kerek. Dál qazir baqyttymyz jáne jaqyn arada baqytty bolamyz dep aita almaimyn. Bastysy mahabbat bar. Baqyt, túsinistik azdaǵan ýaqyttan keiin bolady dep senemin, – dedi prodiýser suhbatynda.
Sondai-aq, aktrisa Baian Maqsatqyzy qajet bolsa buryńǵy kúieýiniń tegin tastap, jańa súiiktisiniń familiiasyn alýǵa da bar ekenin jasyrmady.
– Alagózov tegi maǵan unaidy, kerek bolyp jatsa osy familiiany alamyn. Buryndary bir otbasynyń músheleri bir tekte bolǵany durys, – dep qysqa qaiyrdy.
Aktrisa men onyń jańa súiiktisi qazirge neke júzikterin taǵyp, óz ara kelisimge kelgen. Tek, toilaryn barsha jaqyndaryn shaqyryp kóktemde atap ótpekshi.
– Men jáne meniń qyzdarym bala kúnimizden jurttyń talqysyna túsýge úirenip te kettik. Qazir eldiń sózi Tursynǵa ońai tiip jatqan joq. Ýaqyt kele ol úirenip ketedi degen senimdemin, – dedi prodiýser.
Baian Maqsatqyzy ózi jazyp jatqan kitaptyń mazmuny jaily qysqasha aityp óttip.
– Men onda eshkimge pysyq bolýdy, bailyqqa jetýdiń jolyn úiretpeimin. Onda eshkimge aitpaǵan syrlarym jazylady. Men de jai adam ekenimdi ár oqyrmanyma túsindirgim keledi. Men de shatasatyn qarapaiym adam ekenimdi uqtyrǵym keledi. Kitap áielder qaýymyna arnalǵan. Mennen keremet adam jasaýdyń, uqsaýǵa tyrysýdyń esh qajeti joq, – dedi prodiýser.
Sóz sońynda Baian Maqsatqyzy densaýlyǵy aýyrlap, qal ústinde jatqan kezde qoldap, duǵa tilegenderge basyn iip alǵysyn aitty. Ózin synaityndardan keshirim surady.
«Men áli kúnge dáriger men psihologtyń keńesine baryp júrmin. Júzimdegi jaraqattar boiynsha taǵy birneshe ýaqyt em qabyldaýym kerek», – dedi prodiýser.
Sondai-aq, jańa otbasynda sábi dúniege kelip jatsa oǵan da qarsy emes ekenin jetkizdi. Al jurt aityp júrgen neke kelisim shartyn jańa súiiktisimen jasaspaǵanyn, biznesmen ǵashyǵy qajet dep tapsa oǵan da kelisetinin aitty.
Derekkózi: stan.kz
