بايان ماقساتقىزى: «ەلدٸڭ سٶزٸ تۇرسىنعا وڭاي تيمەۋدە»
– تۇرسىن ناۋرىز ايىندا ماعان كٶڭٸلٸن بٸلدٸردٸ. مامىردا مەن ٶزٸمدٸ ەرەكشە باقىتتى سەزٸندٸم. ياعني, عاشىق بولا باستادىم. ماۋسىمدا بارشا جۇرت ەستٸگەن قايعىلى جاعداي بولدى, – دەپ قىسقا قايىردى پروديۋسەر 31 ارنا جاڭالىقتارىنىڭ تٸكەلەي ەفيرٸندە بەرگەن سۇحباتىندا.
– بٸز ەكەۋمٸز ەكٸ وتباسىنان بٶلٸنٸپ قوسىلماقشىمىز. قازٸر ول وتباسىنداعىلار بٸر-بٸرٸن تٷسٸنٸسٸپ وتىر دەپ ايتا المايمىن. بارلىعىنا ۋاقىت كەرەك. دەل قازٸر باقىتتىمىز جەنە جاقىن ارادا باقىتتى بولامىز دەپ ايتا المايمىن. باستىسى ماحاببات بار. باقىت, تٷسٸنٸستٸك ازداعان ۋاقىتتان كەيٸن بولادى دەپ سەنەمٸن, – دەدٸ پروديۋسەر سۇحباتىندا.
سونداي-اق, اكتريسا بايان ماقساتقىزى قاجەت بولسا بۇرىڭعى كٷيەۋٸنٸڭ تەگٸن تاستاپ, جاڭا سٷيٸكتٸسٸنٸڭ فاميليياسىن الۋعا دا بار ەكەنٸن جاسىرمادى.
– الاگٶزوۆ تەگٸ ماعان ۇنايدى, كەرەك بولىپ جاتسا وسى فاميلييانى الامىن. بۇرىندارى بٸر وتباسىنىڭ مٷشەلەرٸ بٸر تەكتە بولعانى دۇرىس, – دەپ قىسقا قايىردى.
اكتريسا مەن ونىڭ جاڭا سٷيٸكتٸسٸ قازٸرگە نەكە جٷزٸكتەرٸن تاعىپ, ٶز ارا كەلٸسٸمگە كەلگەن. تەك, تويلارىن بارشا جاقىندارىن شاقىرىپ كٶكتەمدە اتاپ ٶتپەكشٸ.
– مەن جەنە مەنٸڭ قىزدارىم بالا كٷنٸمٸزدەن جۇرتتىڭ تالقىسىنا تٷسۋگە ٷيرەنٸپ تە كەتتٸك. قازٸر ەلدٸڭ سٶزٸ تۇرسىنعا وڭاي تيٸپ جاتقان جوق. ۋاقىت كەلە ول ٷيرەنٸپ كەتەدٸ دەگەن سەنٸمدەمٸن, – دەدٸ پروديۋسەر.
بايان ماقساتقىزى ٶزٸ جازىپ جاتقان كٸتاپتىڭ مازمۇنى جايلى قىسقاشا ايتىپ ٶتتٸپ.
– مەن وندا ەشكٸمگە پىسىق بولۋدى, بايلىققا جەتۋدٸڭ جولىن ٷيرەتپەيمٸن. وندا ەشكٸمگە ايتپاعان سىرلارىم جازىلادى. مەن دە جاي ادام ەكەنٸمدٸ ەر وقىرمانىما تٷسٸندٸرگٸم كەلەدٸ. مەن دە شاتاساتىن قاراپايىم ادام ەكەنٸمدٸ ۇقتىرعىم كەلەدٸ. كٸتاپ ەيەلدەر قاۋىمىنا ارنالعان. مەننەن كەرەمەت ادام جاساۋدىڭ, ۇقساۋعا تىرىسۋدىڭ ەش قاجەتٸ جوق, – دەدٸ پروديۋسەر.
سٶز سوڭىندا بايان ماقساتقىزى دەنساۋلىعى اۋىرلاپ, قال ٷستٸندە جاتقان كەزدە قولداپ, دۇعا تٸلەگەندەرگە باسىن يٸپ العىسىن ايتتى. ٶزٸن سىنايتىنداردان كەشٸرٸم سۇرادى.
«مەن ەلٸ كٷنگە دەرٸگەر مەن پسيحولوگتىڭ كەڭەسٸنە بارىپ جٷرمٸن. جٷزٸمدەگٸ جاراقاتتار بويىنشا تاعى بٸرنەشە ۋاقىت ەم قابىلداۋىم كەرەك», – دەدٸ پروديۋسەر.
سونداي-اق, جاڭا وتباسىندا سەبي دٷنيەگە كەلٸپ جاتسا وعان دا قارسى ەمەس ەكەنٸن جەتكٸزدٸ. ال جۇرت ايتىپ جٷرگەن نەكە كەلٸسٸم شارتىن جاڭا سٷيٸكتٸسٸمەن جاساسپاعانىن, بيزنەسمەن عاشىعى قاجەت دەپ تاپسا وعان دا كەلٸسەتٸنٸن ايتتى.
دەرەككٶزٸ: stan.kz
