Baıan Maqsatqyzy 31 arnanyń “Aıta bersin” baǵdarlamasyna suhbat berdi, dep habarlaıdy Stan.kz aqparattyq agenttigi.
– Iá, men bul fılmnen kóp aqsha tapqym keledi, sondyqtan da maǵan pıar kerek, – dep kúlgen Baıan qaljyńdap jatqanyn aıtty. – Eger men rasynda tek aqshany oılaıtyn bolsam, jylyna 2 kınokartınadan túsiretin edim. Tipti, 3-4 túsirýge de bolady. Biraq biz úlken ekranǵa 5 jyl boıy daıyndaldyq. Sońǵy ret “Ostorojno, korova” fılmin usyndyq. Sodan beri maǵan eshqandaı shabyt kelmedi, ıdeıa bolmady. Naryqqa tek aqsha tabý úshin kelgim kelmedi. Bul kartınaǵa barymdy saldym, – deıdi Maqsatqyzy.
Atalǵan kınokartınada Baıan Maqsatqyzynyń kúıeýi Tursynǵalı Alagózov, KeshYou tobynyń eks-ánshisi Kámshat Joldybaeva, qazirgi ánshisi Elızat Berikova, “Alaý” tobynyń solıseri boı kórsetken. Prodúser fılmge tamyr-tanystardy ǵana túsirýiniń sebebin túsindirdi.
– Kez kelgen róldi alyp shyǵa alatyn Elızat barda, basqa qyzdy izdep qaıtemin? Jasyratyny joq Elızattyń da, “Alaý” toby jigitteriniń ornyna da kastıng bolǵan joq. Sebebi men olarǵa sendim. Olar artıser, kameradan, sahnadan, kórermennen qoryqpaıdy. Men únemi tek óz balalarymdy tańdaımyn. Men Amerıkany ashyp jatqan joqpyn. Birinshiden, bul jerde arzan shyǵady degen sóz emes, ol meniń óz jobalaryma quıǵan ınvestısıam. Meniń barlyq ártisterim tek fılm arqyly naǵyz juldyzǵa aınalǵan. Óz aqshamdy óz ártisterime quıatyndaı múmkindik turǵanda, basqa adamdy shaqyryp, oǵan aqsha tóleýdiń ne qajeti bar? Bul qalypty nárse, – dep túsindirdi Maqsatqyzy.
