Májilis depýtaty Ermurat Bapi aktivterdi qaitarý protsesine qatysty pikir bildirdi, - dep habarlaidy Dalanews.kz Ulysmedia.kz -ke siltep.
Basylymǵa bergen suhbatynda depýtat resmi málimetterde shetelden qandai aktivter qaitarylyp, qandai aktivter qaitarylmai jatqany jóninde aqparat joq ekenine nazar aýdardy. Onyń aitýynsha, aktivterdi qaitarý jóninde tolyqqandy ári tushymdy aqparat joq.
Jalpy soma retinde 2 trln teńgege jýyq qarajat jóninde aitylady. Al qandai nysan elge qaitty, aktivterdiń qurylymy qandai? Bul jóninde tolyq málimet berilmeidi.
Ermurat Bapidiń sózinshe, prokýratýra ókilderi aktivterdi qaitarý protsesin qupiia júrgizip jatyr. Sol sebepti olar naqty aqparat keltirmeitinin atap ótedi. Depýtat munyń sebebin tizimge kirgen adamdardy úrkitip almaýdyń amaly nemese aldymen kelisimmen qaitarý ádisi dep boljaidy. Bul protseske ol ázirge túsinistikpen qaraitynyn jetkizdi.
"Biraq kóp suraq bar. Máselen investitsiia retinde qaityp jatqan aktivter bar degen aqparat bar. Qalai degende de aktivterdi qaitarý komiteti Parlamenttiń aldyna kelip, bir esep beretin ýaqyt keldi. Halyq úmit kútip otyrǵan Prezidenttiń bir bastamasy ǵoi. Qaitqan malda qaiyr bar deidi. Somasy jóninde aitylyp jatyr. 2 trln teńge deidi. Jelbúiir birdeńe me, aýa ma – ol jaǵynan eshqandai habarymyz joq, – deidi ol.
Aita keteiik, buǵan deiingi Májilis otyrysynda da Ermurat Bapi aktivter isinde ashyqtyqty talap etti.
"Jylystaǵan aktivterdi qaitarý týraly" zańdy qabyldaǵan Parlament depýtattary búginde sol zańnyń oryndalý barysynan beihabarlyǵy da túsiniksiz jaǵdai. Týrasyn aitqanda, biz aktivterdi qaitarý protsessine qatysty málimetterdi aqparat agenttikterinen nemese sheteldik pablikterden emes, "birinshi aýyzdan" estigimiz keledi", - dedi depýtat.
