ءماجىلىس دەپۋتاتى ەرمۇرات باپي اكتيۆتەردى قايتارۋ پروسەسىنە قاتىستى پىكىر ءبىلدىردى، - دەپ حابارلايدى Dalanews.kz Ulysmedia.kz -كە سىلتەپ.
باسىلىمعا بەرگەن سۇحباتىندا دەپۋتات رەسمي مالىمەتتەردە شەتەلدەن قانداي اكتيۆتەر قايتارىلىپ، قانداي اكتيۆتەر قايتارىلماي جاتقانى جونىندە اقپارات جوق ەكەنىنە نازار اۋداردى. ونىڭ ايتۋىنشا، اكتيۆتەردى قايتارۋ جونىندە تولىققاندى ءارى تۇشىمدى اقپارات جوق.
جالپى سوما رەتىندە 2 ترلن تەڭگەگە جۋىق قاراجات جونىندە ايتىلادى. ال قانداي نىسان ەلگە قايتتى، اكتيۆتەردىڭ قۇرىلىمى قانداي؟ بۇل جونىندە تولىق مالىمەت بەرىلمەيدى.
ەرمۇرات ءباپيدىڭ سوزىنشە، پروكۋراتۋرا وكىلدەرى اكتيۆتەردى قايتارۋ پروسەسىن قۇپيا جۇرگىزىپ جاتىر. سول سەبەپتى ولار ناقتى اقپارات كەلتىرمەيتىنىن اتاپ وتەدى. دەپۋتات مۇنىڭ سەبەبىن تىزىمگە كىرگەن ادامداردى ۇركىتىپ الماۋدىڭ امالى نەمەسە الدىمەن كەلىسىممەن قايتارۋ ءادىسى دەپ بولجايدى. بۇل پروسەسكە ول ازىرگە تۇسىنىستىكپەن قارايتىنىن جەتكىزدى.
"ءبىراق كوپ سۇراق بار. ماسەلەن ينۆەستيسيا رەتىندە قايتىپ جاتقان اكتيۆتەر بار دەگەن اقپارات بار. قالاي دەگەندە دە اكتيۆتەردى قايتارۋ كوميتەتى پارلامەنتتىڭ الدىنا كەلىپ، ءبىر ەسەپ بەرەتىن ۋاقىت كەلدى. حالىق ءۇمىت كۇتىپ وتىرعان پرەزيدەنتتىڭ ءبىر باستاماسى عوي. قايتقان مالدا قايىر بار دەيدى. سوماسى جونىندە ايتىلىپ جاتىر. 2 ترلن تەڭگە دەيدى. جەلبۇيىر بىردەڭە مە، اۋا ما – ول جاعىنان ەشقانداي حابارىمىز جوق، – دەيدى ول.
ايتا كەتەيىك، بۇعان دەيىنگى ءماجىلىس وتىرىسىندا دا ەرمۇرات باپي اكتيۆتەر ىسىندە اشىقتىقتى تالاپ ەتتى.
"جىلىستاعان اكتيۆتەردى قايتارۋ تۋرالى" زاڭدى قابىلداعان پارلامەنت دەپۋتاتتارى بۇگىندە سول زاڭنىڭ ورىندالۋ بارىسىنان بەيحابارلىعى دا تۇسىنىكسىز جاعداي. تۋراسىن ايتقاندا، ءبىز اكتيۆتەردى قايتارۋ پروسەسسىنە قاتىستى مالىمەتتەردى اقپارات اگەنتتىكتەرىنەن نەمەسە شەتەلدىك پابليكتەردەن ەمەس، "ءبىرىنشى اۋىزدان" ەستىگىمىز كەلەدى"، - دەدى دەپۋتات.
