Tanymal kásipker Baharidin Áblázimov ózine berilgen tulpardy meshit imamyna syiǵa tartty. Áleýmettik jelide osyndai video tarady, dep habarlaidy Dalanews.kz.
Ol Jetisý jerine kelip, dinge kim kóp eńbek sińirgenin suraǵanyn aitty. Osylaisha tulpar Abdýdarda Talasbaev esimdi azamatqa buiyrǵan.
"Kóksý, Qaratal aýdanynyń bas imamy bolǵan. Qazir - Úshtóbe qalalyq meshitiniń imamy, Qaratal aýdanynyń qurmetti azamaty. Men bul kisini tanymaimyn. Biraq osy kisiniń eńbegine tánti bolyp, osy atty bersem", - dedi videoda ol.
Aita keteiik, Baharidin Áblázimov - eldegi eń dáýletti adamdardyń biri. Ashyq derekkóz málimetine súiensek, Baharidin Áblázimov Timýr Qulybaevpen, Dinmuhamet Idrisov jáne Erjan Dostybaevpen birge "QazAzot" JShS úlesterine ie. Sondai-aq, biznesmenge "Ansaǵan Petroleým" JShS, "TriasMýnaiGaz" JShS, "Maten Petroleým" AQ, "Petro Chemical Company" JShS jáne "Radýga-Agro" JShS úlesteri tiesili.
