Reseilik telearnada Qazaqstan jaily eki serialy film shyqty. Filmde Qazaqstanda «rýsofobiia» bary, el biligi Batystyń marionetkasy ekeni aitylady, - dep habarlaidy Dalanews.kz.
Film avtory - Reseidiń Memlekettik dýmasynyń depýtaty Andrei Lýgovoi. Ol Kreml tapsyrmasy boiynsha 2006 jyly reseilik saiasi emigrant Aleksandr Litvinenkony ýlaǵanymen belgili.
Film mazmuny boiynsha, Reseidiń Ýkrainaǵa qarsy aitylǵan tezisteri qoldanylǵan: Qazaqstanda fashizm jáne «rýsofobiia» bary, el biligi Batystyń marionetkasy ekeni jáne Reseige qarsy qastandyqtyń ainalasynda júrgeni aitylady.
22 minýtqa sozylǵan filmde Qazaqstan Batystyń shikizat koloniiasyna ainalyp bara jatyr degen oi aitylady. Tipti qazaqstandyq bloger Anastasiia Ahmetovadan pikir alǵan. Bloger Qazaqstan biligi – Batystyń agentteri dep aitady. Onyń sózinshe, Qazaqstannyń maqsaty – eldegi bar bailyqty satyp, eldi Afrikaǵa ainaldyrý.
«Biz Batys úshin – jańa Afrikaǵa ainalyp bara jatyrmyz. Batystyń naǵyz agentteri ministr, senat, májilis, prezident apparatynda otyr. Olardyń kim ekenin aitpai-aq qoiaiyn. Biraq sol adamdardyń arqasynda keibir sarapshylar Qazaqstan biligin úlgili kompradorlyq otarshyldyq ákimshilik dep sanaidy», - deidi filmde qazaqstandyq bloger.
Reseilik jýrnalist Denis Kazanskiidiń sózinshe, Ýkrainada da 2022 jylǵa deiin osyndai pikir taratatyn blogerler, eshkim tanymaityn sarapshylar men saiasatkerler bolǵan. Olar Reseidiń agenti retinde bir nárseni qaitalai bergen: olar Ýkrainada ishki basqarý ekenin, bilikte otyrǵan adamdar bailyqtyń bárin satyp tastaityn Batystyń adamdary ekenin jii aitqan.
«Sondyqtan qazaqstandyqtarǵa aitar bir keńesim: munyń aldyn alý kerek. Sebebi ol adamdardyń kózdegeni ne ekeni belgili. Qazir Qazaqstan – Reseidiń dushpany degen propaganda qatty júrip jatyr. Iaǵni sol jaily filmder túsirilip, júieli jumystar júrip jatyr. Blogersymaqtar Reseige dushpandyq oidy qalyptastyrý úshin kómektesip jatyr», - deidi jýrnalist.
Sonymen qatar, filmde Batystyń kommertsiialyq emes uiymdary Qazaqstandaǵy «rýsofobtardy» qarjylandyryp otyrǵan dep aitylady. Bul týraly filmde halyqaralyq jýrnalist Edvard Chesnokov aitqan.
«1992 jyldan beri UCAID Qazaqstanǵa 700 million dollar investitsiialaǵan», - deidi Chesnokov.
Jýrnalist Denis Kazanskii qazaqstandyqtar reseilik propagandaǵa bei-jai qaramaýy keregin aitady.
«Biz de (Ýkraina) osy sekildi propagandaǵa bei-jai qarap, mán bermedik. Tipti oǵan kúlip, reseilikter esinen aýysqan dep oilaitynbyz. Biraq munyń bári beker jasalyp otyrǵan joq. Osylaisha bilik reseilikterdi Qazaqstan – dushpan el ekenine, ol jerde dushpandar turatynyna, olardy jazalaý kerek dep etin úirete bastaidy. Bul beker emes.
Mundai filmder beker shyqpaidy. Bári aldyn ala daiyndalady. Resei Qazaqstanǵa qarsy agressiiaǵa daiyndalyp jatyr. Qazaqstandyqtar da buǵan daiyn bolýy kerek. Jan-jaqtan onyń aldyn alý kerek. Eń durysy – Ýkrainaǵa kómektesý. Sebebi Resei Ýkrainadaǵy soǵysta jeńiske jetse, Pýtin munymen toqtap qalmaidy. Kelesi maqsat – Qazaqstan», - deidi Denis Kazanskii.
