2025 jylǵy 26-27 shilde kúnderi Batys Qazaqstan oblysynyń Báiterek aýdany, Sulýkól aýylynda respýblikalyq aýqymdaǵy mańyzdy oqiǵa – «Agrofest Batys – 2025» mamandandyrylǵan aýyl sharýashylyǵy kórmesi ótýde,- dep habarlaidy Dalanews.kz
Atalǵan is-sharanyń negizgi maqsaty – aýyl sharýashylyǵy salasyndaǵy ózekti máselelerdi talqylaý, zamanaýi jetistiktermen jáne tiimdi tájiribelermen bólisý, salanyń damýyna serpin beretin ortaq sheshimderdi usyný, sondai-aq agroónerkásiptik keshen sýbektileri arasynda ózara is-qimyldy nyǵaitý.
Kórmege elimizdiń ár óńirinen aýyl sharýashylyǵy salasynyń jetekshi ǵalymdary, agrosektorda qyzmet kórsetetin uiymdar men mekemelerdiń ókilderi, aýyl sharýashylyǵy tehnikalary, tuqym, tyńaitqysh jáne pestitsid ónimderin óndirýmen jáne taratýmen ainalysatyn iri kompaniialardyń basshylary, sondai-aq tájiribeli fermerler men mal sharýashylyǵy mamandary, shyǵarmashylyq ziialy qaýym men ulttyq sport ókilderi qatysýda.
Agrofest – bul tek ónimder men tehnikalardyń kórmesi ǵana emes. Bul – aýyl sharýashylyǵy salasyndaǵy bilim men tájiribe almasýdyń, ózekti máselelerdi saralap, jańa ideialarmen tanysýdyń mańyzdy alańy.
Kórme aiasynda kelesi baǵyttar qamtylǵan:
- ozyq agrotehnologiialar men tsifrlyq sheshimder prezentatsiiasy;
- agrarlyq saladaǵy startaptar men innovatsiialyq jobalardy tanystyrý;
- kásibi sheberlik sabaqtary men oqytý seminarlary;
- taqyryptyq pikirtalastar;
- salaaralyq iskerlik kezdesýler men seriktestik kelissózder.
Kórme barysynda qatysýshylar óńirlik damý strategiialary, agroinnovatsiialar jáne aýyl sharýashylyǵyn damytýdyń jańa tásilderi boiynsha pikir almasyp, salaaralyq yntymaqtastyqtyń bolashaǵyn aiqyndaidy. Bul óz kezeginde aýyl sharýashylyǵy salasynyń turaqty damýyna jol ashady.
Agrofest – aýyldyq óńirlerdiń áleýetin arttyryp, aýyl sharýashylyǵynyń bolashaǵyn qalyptastyrýǵa umtylatyn jańa býyn mamandary úshin biregei kásibi alań bolyp tabylady. Munda ár qatysýshy óz salasynyń úzdikterimen tikelei pikir almasyp, jańa seriktestikter ornata alady.
Agrofest Batys – 2025 – bul aýyl sharýashylyǵy salasyndaǵy ǵylymi-tehnikalyq progrestiń, kásibi tájiribe men seriktestiktiń toǵysqan núktesi.
