2025 جىلعى 26-27 شىلدە كۇندەرى باتىس قازاقستان وبلىسىنىڭ بايتەرەك اۋدانى، سۇلۋكول اۋىلىندا رەسپۋبليكالىق اۋقىمداعى ماڭىزدى وقيعا – «Agrofest Batys – 2025» مامانداندىرىلعان اۋىل شارۋاشىلىعى كورمەسى وتۋدە،- دەپ حابارلايدى Dalanews.kz
اتالعان ءىس-شارانىڭ نەگىزگى ماقساتى – اۋىل شارۋاشىلىعى سالاسىنداعى وزەكتى ماسەلەلەردى تالقىلاۋ، زاماناۋي جەتىستىكتەرمەن جانە ءتيىمدى تاجىريبەلەرمەن ءبولىسۋ، سالانىڭ دامۋىنا سەرپىن بەرەتىن ورتاق شەشىمدەردى ۇسىنۋ، سونداي-اق اگروونەركاسىپتىك كەشەن سۋبەكتىلەرى اراسىندا ءوزارا ءىس-قيمىلدى نىعايتۋ.
كورمەگە ەلىمىزدىڭ ءار وڭىرىنەن اۋىل شارۋاشىلىعى سالاسىنىڭ جەتەكشى عالىمدارى، اگروسەكتوردا قىزمەت كورسەتەتىن ۇيىمدار مەن مەكەمەلەردىڭ وكىلدەرى، اۋىل شارۋاشىلىعى تەحنيكالارى، تۇقىم، تىڭايتقىش جانە پەستيسيد ونىمدەرىن وندىرۋمەن جانە تاراتۋمەن اينالىساتىن ءىرى كومپانيالاردىڭ باسشىلارى، سونداي-اق تاجىريبەلى فەرمەرلەر مەن مال شارۋاشىلىعى ماماندارى، شىعارماشىلىق زيالى قاۋىم مەن ۇلتتىق سپورت وكىلدەرى قاتىسۋدا.
Agrofest – بۇل تەك ونىمدەر مەن تەحنيكالاردىڭ كورمەسى عانا ەمەس. بۇل – اۋىل شارۋاشىلىعى سالاسىنداعى ءبىلىم مەن تاجىريبە الماسۋدىڭ، وزەكتى ماسەلەلەردى سارالاپ، جاڭا يدەيالارمەن تانىسۋدىڭ ماڭىزدى الاڭى.
كورمە اياسىندا كەلەسى باعىتتار قامتىلعان:
- وزىق اگروتەحنولوگيالار مەن سيفرلىق شەشىمدەر پرەزەنتاسياسى؛
- اگرارلىق سالاداعى ستارتاپتار مەن يننوۆاسيالىق جوبالاردى تانىستىرۋ؛
- كاسىبي شەبەرلىك ساباقتارى مەن وقىتۋ سەمينارلارى؛
- تاقىرىپتىق پىكىرتالاستار؛
- سالاارالىق ىسكەرلىك كەزدەسۋلەر مەن سەرىكتەستىك كەلىسسوزدەر.
كورمە بارىسىندا قاتىسۋشىلار وڭىرلىك دامۋ ستراتەگيالارى، اگرويننوۆاسيالار جانە اۋىل شارۋاشىلىعىن دامىتۋدىڭ جاڭا تاسىلدەرى بويىنشا پىكىر الماسىپ، سالاارالىق ىنتىماقتاستىقتىڭ بولاشاعىن ايقىندايدى. بۇل ءوز كەزەگىندە اۋىل شارۋاشىلىعى سالاسىنىڭ تۇراقتى دامۋىنا جول اشادى.
اگروفەست – اۋىلدىق وڭىرلەردىڭ الەۋەتىن ارتتىرىپ، اۋىل شارۋاشىلىعىنىڭ بولاشاعىن قالىپتاستىرۋعا ۇمتىلاتىن جاڭا بۋىن ماماندارى ءۇشىن بىرەگەي كاسىبي الاڭ بولىپ تابىلادى. مۇندا ءار قاتىسۋشى ءوز سالاسىنىڭ ۇزدىكتەرىمەن تىكەلەي پىكىر الماسىپ، جاڭا سەرىكتەستىكتەر ورناتا الادى.
Agrofest Batys – 2025 – بۇل اۋىل شارۋاشىلىعى سالاسىنداعى عىلىمي-تەحنيكالىق پروگرەستىڭ، كاسىبي تاجىريبە مەن سەرىكتەستىكتىڭ توعىسقان نۇكتەسى.
