Atyraý oblysynda janjal sońy atysqa ulasyp, bir adam jaraqat aldy. Oqiǵa 27 sáýirde Inderbor kentinde bolǵan, dep habarlaidy Dalanews.kz.
"Aq Jaiyq" basylymynyń málimetine súiensek, janjal 30 jastaǵy er adamnyń úiiniń aýlasynda shyqqan. Kikiljiń kezinde travmatikalyq qarýdan oq atylyp, kúdiktiler oqiǵa ornynan boi tasalaǵan.
Keiin politsiia eki kúdiktini ustady. Olar 2003 jáne 2004 jyly týǵan turǵyndar, iaǵni aǵaiyndy jigitter ekeni anyqtalǵan.
Jaralanǵan er adam aýdandyq aýrýhanaǵa jetkizilip, ota jasalǵan. Qazir ol hirýrgiia bóliminde dárigerlerdiń baqylaýynda jatyr.
Atyraý oblystyq Politsiia departamenti kúdiktiler jedel ustalyp, ýaqytsha ustaý izoliatoryna qamalǵanyn habarlady. Qazir tergeý júrgizilip jatyr.
