"Ақ Жайық" басылымының мәліметіне сүйенсек, жанжал 30 жастағы ер адамның үйінің ауласында шыққан. Кикілжің кезінде травматикалық қарудан оқ атылып, күдіктілер оқиға орнынан бой тасалаған.

Кейін полиция екі күдіктіні ұстады. Олар 2003 және 2004 жылы туған тұрғындар, яғни ағайынды жігіттер екені анықталған.

Жараланған ер адам аудандық ауруханаға жеткізіліп, ота жасалған. Қазір ол хирургия бөлімінде дәрігерлердің бақылауында жатыр.

Атырау облыстық Полиция департаменті күдіктілер жедел ұсталып, уақытша ұстау изоляторына қамалғанын хабарлады. Қазір тергеу жүргізіліп жатыр.