19 naýryz kúni Saratov oblysy Úkimeti tóraǵasynyń orynbasary Aleksei Nikitin bastaǵan Saratov oblysynyń delegatsiiasy Oral qalasyna keldi. Delegatsiia quramynda memlekettik organdardyń ókilderi, Saýda-ónerkásip palatasynyń músheleri, bilim berý salasynyń qyzmetkerleri men kásipkerler bar. Kezdesý barysynda ekijaqty yntymaqtastyqtyń keleshegi talqylandy,- dep habarlaidy Dalanews.kz
Batys Qazaqstan oblysynyń ákimi Nariman Tóreǵaliev reseilik áriptesterimen amandasyp, Qazaqstan Prezidenti Qasym-Jomart Toqaev eki eldiń óńirleri arasyndaǵy ózara tiimdi saýda-ekonomikalyq bailanystardyń mańyzdylyǵyna birneshe ret nazar aýdarǵanyn atap ótti.
Kezdesý barysynda taraptar yntymaqtastyqtyń negizgi baǵyttaryn talqylady. 2024 jyldyń qorytyndysy boiynsha Batys Qazaqstan oblysynyń Resei Federatsiiasymen taýar ainalymy 700 mln dollardan asty, onyń 37,1 mln dollary Saratov oblysyna tiesili. Sondai-aq óńirde reseilik biznespen áriptestik qarqyndy damýda: sońǵy úsh jylda saýda, marketingtik zertteýler, IT jáne basqa da salalarda 740-tan astam birlesken kásiporyndar tirkeldi.
Agroónerkásiptik kesheni, bilim berý jáne densaýlyq saqtaý salalaryndaǵy ózara is-qimylǵa erekshe nazar aýdaryldy. Batys Qazaqstan oblysy N.M.Týlaikov atyndaǵy Samar aýyl sharýashylyǵy ǵylymi-zertteý institýtymen jáne P.N.Konstantinov atyndaǵy Povoljiia selektsiia jáne tuqym sharýashylyǵy ǵylymi-zertteý institýtymen tyǵyz bailanys ornatqan.
Mysaly, Samar ǵylymi-zertteý institýtymen yntymaqtastyq aiasynda BQO aýmaǵynda keńinen taralǵan «Volgoýraldyq» jazdyq bidaidyń birlesken sorty ázirlendi.
Sondai-aq oblys ákimi joǵary bilikti mamandardy daiarlaý úshin Saratov oblysynyń jetekshi ýniversitetterimen áriptestik ornatýǵa qyzyǵýshylyq bildirdi. Ol halyqaralyq yntymaqtastyq aiasynda batysqazaqstandyq ǵalymdar Saratov oblysynyń joǵary oqý oryndarymen birlesip aýyl sharýashylyǵynda, halyqaralyq quqyqta, meditsinada jobalardy júzege asyryp, magistranttar men aspiranttardy taǵylymdamadan ótkizip, oqytatynyn atap ótti.
«Batys Qazaqstan oblysy úshin Saratov negizgi seriktestiktiń biri bolyp tabylady. Búgin biz yntymaqtastyqty odan ári nyǵaitý perspektivalaryn jan-jaqty talqylap, ony tereńdetý máseleleri boiynsha pikir almastyq. Osy múmkindikti paidalana otyryp, saratovtyq áriptesterimizdi biylǵy kúzde Batys Qazaqstan oblysynda ótetin Qazaqstan-Resei forýmyna shaqyramyn», – dedi Nariman Tóreǵaliev.
Reseilik tarap ta ekijaqty bailanystardy belsendi damytýǵa jáne nyǵaitýǵa daiyn ekenin bildirdi.
