Prezident Qasym-Jomart Toqaevtyń Frantsiiaǵa saparynan túrli sýret-video jariialandy. Parijge barǵan tanymaldar arasynda Dimash Qudaibergen, Eldos Smetov, David Diagterev, Aqmaral Naýatbek bar.
Ulysmedia.kz Qasym-Jomart Toqaev pen Frantsiia prezidenti Emmaniýel Makronnyń ortasynda sýretke túsken Parijdegi qandasymyz kim ekenin anyqtaǵan, - dep habarlaidy Dalanews.kz.
Basylym deregine súiensek, sýrettegi boijetken – Frantsiianyń Krei qalasy meriniń orynbasary, qazaq qyzy Ieshim Maqmudqyzy Savash. Esim 1993 jyly Parijde dúniege kelgen. Onyń áke-sheshesi Túrkiiada turyp, keiin Frantsiiaǵa kóshken.
Esim Savashtyń atalary Qytaidyń Altai aimaǵynda ómir súrgen. Ózi - HH ǵasyrdyń basynda qytaiǵa qarsy soǵysqan áigili Zýqa batyrdyń jieni.
Esimniń mamandyǵy - muǵalim jáne ekonomist. 18 jasynan bastap saiasatta. Buǵan deiingi suhbattarynda Marokkonyń Dahla qalasynda jastardyń sapaly ómir súrýi úshin kúresken qozǵalysqa atsalysqanyn aitqan.
Men – taǵdyr tálkegimen atajurtynan alastalǵan qazaqtyń urpaǵymyn. Atalarym HH ǵasyrdyń ortasynda Anadoly jerine qonystanǵan. Ózim Frantsiiada dúniege keldim, balalyq shaǵym Parij aimaǵynda ótti. Meniń 13 jasymda Kreige kóship keldik. Litseidi bitirgen soń Tehnologiia instýtynda jergilikti ózin-ózi basqarý mamandyǵy boiynsha bakalavr dárejesin, keiin Ulttyq joǵary biliktilik jáne bilim berý institýtynda (Institut National Supérieur du Professorat et de l’Éducation) bilim magistri dárejesin támamdadym, – deidi suhbattarynyń birinde Esim.
Esim 2021 jyly Parij aimaǵynyń Krei qalasynyń orynbasary bolyp sailanǵan. Onyń aldynda merdiń mádeniet jónindegi orynbasary bolǵan.
“Men saiasatqa jańa tynys, serpin bergim keldi. Men óz jobalarymnan jastardyń ózin-ózi tani bilgenin, qajet dúnielerdi bilgenin qalaimyn” deidi ol.
Aita keteiik, Qasym-Jomart Toqaev prezident Emmaniýel Makronnyń shaqyrýymen 4-5 qarasha kúnderi Frantsiia Respýblikasyna memlekettik saparmen bardy.
