Batalov jýrnalister suraqtaryna jaýap berdi
Amandyq Batalov óz baiandamasynda Prezident Joldaýynyń óńirde oryndalý barysy, 10 aidaǵy áleýmettik-ekonomikalyq damý kórsetkishteri jaily aitty.
Baiandamadan keiin spiker jýrnalisterdi qyzyqtyrǵan saýaldarǵa jaýap berdi. Suraqtardyń basym bóligi infraqurylymdardy damytý, gazdandyrý, «Qorǵas – Shyǵys qaqpasy» arnaiy ekonomikalyq aimaǵyndaǵy investitsiialyq jobalar, Geit siti seriktes qalasynyń qurylysy men bolashaq josparlary, Balqash kóliniń jaǵalaýyn damytý, irrigatsiia júielerin jańǵyrtý, sonyń ishinde Balqash aýdanyndaǵy kanaldardy tazartý máselesi, et óńdeý baǵytyndaǵy jobalar, halyqty kómirmen qamtamasyz etý, qoqys óńdeitin zaýyttardyń qurylysy, otandyq vaktsina shyǵarý, áleýmettik mańyzdy taýarlardyń baǵasyn turaqtandyrý, úsh aýysymdy mektepterdi joiý, qoljetimdi baspanamen qamtý sharalary týraly boldy. Sol siiaqty jýrnalisterdi táýelsizdik jyldaryndaǵy oblys jetistikteri de qyzyqtyrdy.
Máselen, «STV» telearnasy tilshisiniń transulttyq kompaniialarmen birlesip óńirde qolǵa alynǵan jobalar týraly suraǵyna oblys ákimi nemistiń «Baýmann» kontserniniń usaq mal etin óńdeitin «Jetisý Qoi» jáne amerikalyq «Taison Fýd» kompaniiasynyń iri qara etin óńdeitin jobalary iske asyryla bastaǵanyn aitty.
Sol siiaqty «Liter» gazeti tilshisiniń Úsharal áýejaiynyń ushý-qoný jolaǵyn jańǵyrtýǵa qatysty onlain rejimde qoiǵan suraǵyna da spiker keńinen jaýap berdi. Óz jaýabynda ákim Úkimet tarapynan jańǵyrtý jumystaryna qoldaý jasalyp, 1-shi transh boiynsha 4,7 mlrd. teńge bólingenin jetkizdi. «Qazir jumystar bekitilgen kestege sáikes qarqyndy júrip jatyr. Kelesi demalys maýsymy bastalǵanǵa deiin qurylys jumystary aiaqtalady dep josparlap otyrmyz. Qazir Nur-Sultan, Almaty, Taldyqorǵan qalalarynan Úsharalǵa ushaq qatynaidy. Bizge Omby, Tomsk, Novosibir qalalarynan da usynystar túsip jatyr. Jańǵyrtý jumystary aiaqtalǵanda, Úsharal áýejaiynyń osyndai qalalardan úlken ushaqtardy qabyldaýǵa múmkindigi bolady», - dedi A. Batalov.
Suraqqa jaýap berý barysynda spiker Balqash kóliniń jaǵalaýyn damytý sharalary týraly da aityp berdi. Amandyq Batalovtyń sózine qaraǵanda investorlarmen birlesip jaǵalaýda zamanaýi demalys aimaqtaryn salý máselesi qarastyrylýda. Sonymen qatar «Balqash» týristik-rekreatsiialyq demalys aimaǵynyń injenerlik-kommýnikatsiialyq júieleri qurylysynyń» jobasy memlekettik saraptamadan ótken. Jobada sýmen qamtý jelileri (16,4 km), káriz júiesi (16,4 km) elektrmen qamtý jelisi (16,1 km), avtokólik jolyn (9,3 km) tóseý qarastyrylǵan. Jol infraqurylymyn jaqsartý maqsatynda «Almaty-Óskemen-Lepsi-Aqtoǵai» (35-110 km) jáne «Lepsi aýyly – Balqash kóli jaǵalaýy» (0-27 km) avtojoldary qaita jańǵyrtýdan ótkizilip jatyr.
Jalpy barlyǵy 32 suraq qoiylyp, olarǵa Almaty oblysynyń ákimi Amandyq Batalov tolyqqandy jaýap berdi.
Eske salsaq, brifing «Habar 24» telearnasynyń tikelei efirinde, OKQ-nyń Feisbýk áleýmettik jelisindegi resmi paraqshasynda jáne Youtube arqyly, sol siiaqty oblys ákimdiginiń resmi saitynda kórsetildi. Brifing 90 minýtqa sozyldy.
