باتالوۆ جۋرناليستەر سۇراقتارىنا جاۋاپ بەردٸ
اماندىق باتالوۆ ٶز بايانداماسىندا پرەزيدەنت جولداۋىنىڭ ٶڭٸردە ورىندالۋ بارىسى, 10 ايداعى ەلەۋمەتتٸك-ەكونوميكالىق دامۋ كٶرسەتكٸشتەرٸ جايلى ايتتى.
باياندامادان كەيٸن سپيكەر جۋرناليستەردٸ قىزىقتىرعان ساۋالدارعا جاۋاپ بەردٸ. سۇراقتاردىڭ باسىم بٶلٸگٸ ينفراقۇرىلىمداردى دامىتۋ, گازداندىرۋ, «قورعاس – شىعىس قاقپاسى» ارنايى ەكونوميكالىق ايماعىنداعى ينۆەستيتسييالىق جوبالار, گەيت سيتي سەرٸكتەس قالاسىنىڭ قۇرىلىسى مەن بولاشاق جوسپارلارى, بالقاش كٶلٸنٸڭ جاعالاۋىن دامىتۋ, يرريگاتسييا جٷيەلەرٸن جاڭعىرتۋ, سونىڭ ٸشٸندە بالقاش اۋدانىنداعى كانالداردى تازارتۋ مەسەلەسٸ, ەت ٶڭدەۋ باعىتىنداعى جوبالار, حالىقتى كٶمٸرمەن قامتاماسىز ەتۋ, قوقىس ٶڭدەيتٸن زاۋىتتاردىڭ قۇرىلىسى, وتاندىق ۆاكتسينا شىعارۋ, ەلەۋمەتتٸك ماڭىزدى تاۋارلاردىڭ باعاسىن تۇراقتاندىرۋ, ٷش اۋىسىمدى مەكتەپتەردٸ جويۋ, قولجەتٸمدٸ باسپانامەن قامتۋ شارالارى تۋرالى بولدى. سول سيياقتى جۋرناليستەردٸ تەۋەلسٸزدٸك جىلدارىنداعى وبلىس جەتٸستٸكتەرٸ دە قىزىقتىردى.
مەسەلەن, «ستۆ» تەلەارناسى تٸلشٸسٸنٸڭ ترانسۇلتتىق كومپانييالارمەن بٸرلەسٸپ ٶڭٸردە قولعا الىنعان جوبالار تۋرالى سۇراعىنا وبلىس ەكٸمٸ نەمٸستٸڭ «باۋمانن» كونتسەرنٸنٸڭ ۇساق مال ەتٸن ٶڭدەيتٸن «جەتٸسۋ قوي» جەنە امەريكالىق «تايسون فۋد» كومپانيياسىنىڭ ٸرٸ قارا ەتٸن ٶڭدەيتٸن جوبالارى ٸسكە اسىرىلا باستاعانىن ايتتى.
سول سيياقتى «ليتەر» گازەتٸ تٸلشٸسٸنٸڭ ٷشارال ەۋەجايىنىڭ ۇشۋ-قونۋ جولاعىن جاڭعىرتۋعا قاتىستى ونلاين رەجيمدە قويعان سۇراعىنا دا سپيكەر كەڭٸنەن جاۋاپ بەردٸ. ٶز جاۋابىندا ەكٸم ٷكٸمەت تاراپىنان جاڭعىرتۋ جۇمىستارىنا قولداۋ جاسالىپ, 1-شٸ ترانش بويىنشا 4,7 ملرد. تەڭگە بٶلٸنگەنٸن جەتكٸزدٸ. «قازٸر جۇمىستار بەكٸتٸلگەن كەستەگە سەيكەس قارقىندى جٷرٸپ جاتىر. كەلەسٸ دەمالىس ماۋسىمى باستالعانعا دەيٸن قۇرىلىس جۇمىستارى اياقتالادى دەپ جوسپارلاپ وتىرمىز. قازٸر نۇر-سۇلتان, الماتى, تالدىقورعان قالالارىنان ٷشارالعا ۇشاق قاتىنايدى. بٸزگە ومبى, تومسك, نوۆوسٸبٸر قالالارىنان دا ۇسىنىستار تٷسٸپ جاتىر. جاڭعىرتۋ جۇمىستارى اياقتالعاندا, ٷشارال ەۋەجايىنىڭ وسىنداي قالالاردان ٷلكەن ۇشاقتاردى قابىلداۋعا مٷمكٸندٸگٸ بولادى», - دەدٸ ا. باتالوۆ.
سۇراققا جاۋاپ بەرۋ بارىسىندا سپيكەر بالقاش كٶلٸنٸڭ جاعالاۋىن دامىتۋ شارالارى تۋرالى دا ايتىپ بەردٸ. اماندىق باتالوۆتىڭ سٶزٸنە قاراعاندا ينۆەستورلارمەن بٸرلەسٸپ جاعالاۋدا زاماناۋي دەمالىس ايماقتارىن سالۋ مەسەلەسٸ قاراستىرىلۋدا. سونىمەن قاتار «بالقاش» تۋريستٸك-رەكرەاتسييالىق دەمالىس ايماعىنىڭ ينجەنەرلٸك-كوممۋنيكاتسييالىق جٷيەلەرٸ قۇرىلىسىنىڭ» جوباسى مەملەكەتتٸك ساراپتامادان ٶتكەن. جوبادا سۋمەن قامتۋ جەلٸلەرٸ (16,4 كم), كەرٸز جٷيەسٸ (16,4 كم) ەلەكترمەن قامتۋ جەلٸسٸ (16,1 كم), اۆتوكٶلٸك جولىن (9,3 كم) تٶسەۋ قاراستىرىلعان. جول ينفراقۇرىلىمىن جاقسارتۋ ماقساتىندا «الماتى-ٶسكەمەن-لەپسٸ-اقتوعاي» (35-110 كم) جەنە «لەپسٸ اۋىلى – بالقاش كٶلٸ جاعالاۋى» (0-27 كم) اۆتوجولدارى قايتا جاڭعىرتۋدان ٶتكٸزٸلٸپ جاتىر.
جالپى بارلىعى 32 سۇراق قويىلىپ, ولارعا الماتى وبلىسىنىڭ ەكٸمٸ اماندىق باتالوۆ تولىققاندى جاۋاپ بەردٸ.
ەسكە سالساق, بريفينگ «حابار 24» تەلەارناسىنىڭ تٸكەلەي ەفيرٸندە, وكق-نىڭ فەيسبۋك ەلەۋمەتتٸك جەلٸسٸندەگٸ رەسمي پاراقشاسىندا جەنە Youtube ارقىلى, سول سيياقتى وبلىس ەكٸمدٸگٸنٸڭ رەسمي سايتىندا كٶرسەتٸلدٸ. بريفينگ 90 مينۋتقا سوزىلدى.
