Batalov: "Biyl aýyl joldardyn jóndeýge kóp kóńil bóldik"
Bul týraly búgin Nur-Sultanda Prezident janyndaǵy OKQ alańyndaǵy brifingi barysynda Almaty oblysynyń ákimi Amandyq Batalov aitty, - dep habarlaidy Dalanews.kz oblys ákiminiń baspasóz qyzmetine siltep.
- Jalpy jergilikti mańyzdaǵy joldardy salý men jóndeý jumystaryna 62 mlrd. teńge bólindi. «Jumyspen qamtý jol kartasynyń» arqasynda biz aýyl ishilik joldardy jóndeýge kóp kóńil bóldik. Jóndeý júrip jatqan 347 eldi mekenniń 220-sy «Jumyspen qamtý jol kartasy» sheńberinde qamtylyp otyr. Sonyń nátijesinde jyl sońyna qarai jaqsy jáne qanaǵattanarlyq jaǵdaidaǵy joldardyń deńgeii 84% jetedi, - dedi A. Batalov.
Spikerdiń aitýynsha, «Nurly jol» baǵdarlamasy aiasynda «Taldyqorǵan - Óskemen», «Úsharal - Dostyq», «Kúrti - Býrylbaital» jáne «Uzynaǵash - Otar» respýblikalyq joldarynyń qurylysy men jańǵyrtý jumystary júrip jatyr.
Barlyq ýchaskelerdegi qurylys jumystary 2021 jyly aiaqtalady dep kútilýde, bul tranzittik júk tasymaly men týrister legin arttyrýǵa yqpal etedi.
https://www.youtube.com/watch?v=N3QXs9PY6aQ&feature=emb_logo
