بۇل تۋرالى بۇگىن نۇر-سۇلتاندا پرەزيدەنت جانىنداعى وكق الاڭىنداعى بريفينگى بارىسىندا الماتى وبلىسىنىڭ اكىمى اماندىق باتالوۆ ايتتى، - دەپ حابارلايدى Dalanews.kz وبلىس اكىمىنىڭ باسپا ءسوز قىزمەتىنە سىلتەپ.
- جالپى جەرگىلىكتى ماڭىزداعى جولداردى سالۋ مەن جوندەۋ جۇمىستارىنا 62 ملرد. تەڭگە ءبولىندى. «جۇمىسپەن قامتۋ جول كارتاسىنىڭ» ارقاسىندا ءبىز اۋىل ىشىلىك جولداردى جوندەۋگە كوپ كوڭىل بولدىك. جوندەۋ ءجۇرىپ جاتقان 347 ەلدى مەكەننىڭ 220-سى «جۇمىسپەن قامتۋ جول كارتاسى» شەڭبەرىندە قامتىلىپ وتىر. سونىڭ ناتيجەسىندە جىل سوڭىنا قاراي جاقسى جانە قاناعاتتانارلىق جاعدايداعى جولداردىڭ دەڭگەيى 84% جەتەدى، - دەدى ا. باتالوۆ.
سپيكەردىڭ ايتۋىنشا، «نۇرلى جول» باعدارلاماسى اياسىندا «تالدىقورعان - وسكەمەن»، «ءۇشارال - دوستىق»، «كۇرتى - بۋرىلبايتال» جانە «ۇزىناعاش - وتار» رەسپۋبليكالىق جولدارىنىڭ قۇرىلىسى مەن جاڭعىرتۋ جۇمىستارى ءجۇرىپ جاتىر.
بارلىق ۋچاسكەلەردەگى قۇرىلىس جۇمىستارى 2021 جىلى اياقتالادى دەپ كۇتىلۋدە، بۇل ترانزيتتىك جۇك تاسىمالى مەن تۋريستەر لەگىن ارتتىرۋعا ىقپال ەتەدى.
https://www.youtube.com/watch؟v=N3QXs9PY6aQ&feature=emb_logo
