Basty maqsat – qaýyn-darbyzdy tolyqtai óńdeýdi jolǵa qoiý
– Ózderińiz biletindei, ótkende elimizde birinshi ret «Qaýyn-fest» ótkizdik. Túrkimenstannyń, Tájikstannyń ótkizgen qaýyn festivaldarynan málimetter alyp, árbir eldi mekenderde jinalys ótkizip, ájelerimizdiń, apalarymyzdyń istegen isterin qaita jańǵyrttyq. Bul shara «Rýhani jańǵyrý» sharasyna dóp kelgenin de aita ketýimiz kerek. Sharany uiymdastyrǵanda baiaǵy qaýynqaǵymyzdy, qaýynqurtymyzdy tanytyp, barysha nasihattaýdy oiladyq. Negizgi maqsatymyz – keleshekte qaýyn-qarbyzymyzdy 100 paiyz óńdeýden ótkizip, qaldyqsyz ónimge ainaldyrý. Shyndap kelgende, qaýyn-qarbyzdyń qabyǵyn da óńdeýden ótkizýge bolady. Qaýyn-qarbyzdy syǵyp, shyrynyn alýǵa bolady. Soǵan qosymsha qarjy keregin, óńdeýmen ainalysatyn tsehtar ashý kerektigin aittyq. Jalpy, biyl aýyl sharýashylyǵy salasyndaǵy kórsetkishter jaman bolǵan joq. Bul – birinshi kezekte halyqtyń tókken teriniń, etken eńbeginiń, birligi men yntymaǵynyń arqasy. El eńbeginiń óteýin alyp otyr. Bir nárse egip, sodan bankrot boldym dep otyrǵan adam joq. Eńbek etken azamat sol eńbeginiń jemisin kórýde, – dedi aýdan ákimi Jamantai Qanaiuly.
Dalanews.kz
