Semeı qalalyq máslıhatynda elimizdiń ataqty sportshylary men eńbek sińirgen qaıratkerlerinen, ǵylymı jáne shyǵarmashylyq zıaly qaýym, ardagerlerden, ÚEU, BAQ ókilderinen, eriktiler qozǵalysynyń belsendilerinen, jastardan, sondaı-aq iri kásiporyndar men aýyl sharýashylyǵy qurylymdarynyń jetekshilerinen quralǵan bastamashyl toptyń haty qaraldy, – dep habarlaıdy Dalanews.kz.

Hatta Qaraǵaıly jańa turǵyn aýdanyndaǵy ataýsyz kósheni Nursultan Nazarbaev dańǵyly dep ataý týraly bastama kóterildi. Sondaı-aq, osy aýdandaǵy mádenı-sport keshenin «Elbasy Arena» dep ataý usynyldy.

Atalmysh bastama Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń memleketti qalyptastyrýdaǵy aıryqsha róline jáne Qazaqstan Respýblıkasy Táýelsizdiginiń 30 jyldyǵyna oraı kórinis taýyp otyr.

Másele qalalyq máslıhattyń turaqty komısıasynyń qaraýyna shyǵarylyp, oǵan 10 myńnan astam adam kózbe-kóz jáne Zoom formatynda qatysty.

Otyrys barysynda qalalyq jáne oblystyq máslıhattar depýtattary, QR eńbek sińirgen qaıratkerleri, sport qaýymdastyǵynyń ókilderi sóz sóılep, oılaryn ortaǵa saldy. Jıyn qorytyndysynda qatysýshylar pikirlerin nazarǵa ala otyryp, depýtattar biraýyzdan osy máseleni qalalyq máslıhat sesıasyna shyǵarýdy usyndy.