سەمەي قالالىق ءماسليحاتىندا ەلىمىزدىڭ اتاقتى سپورتشىلارى مەن ەڭبەك سىڭىرگەن قايراتكەرلەرىنەن، عىلىمي جانە شىعارماشىلىق زيالى قاۋىم، ارداگەرلەردەن، ۇەۇ، ب ا ق وكىلدەرىنەن، ەرىكتىلەر قوزعالىسىنىڭ بەلسەندىلەرىنەن، جاستاردان، سونداي-اق ءىرى كاسىپورىندار مەن اۋىل شارۋاشىلىعى قۇرىلىمدارىنىڭ جەتەكشىلەرىنەن قۇرالعان باستاماشىل توپتىڭ حاتى قارالدى، – دەپ حابارلايدى Dalanews.kz.

حاتتا قاراعايلى جاڭا تۇرعىن اۋدانىنداعى اتاۋسىز كوشەنى نۇرسۇلتان نازاربايەۆ داڭعىلى دەپ اتاۋ تۋرالى باستاما كوتەرىلدى. سونداي-اق، وسى اۋدانداعى مادەني-سپورت كەشەنىن «ەلباسى ارەنا» دەپ اتاۋ ۇسىنىلدى.

اتالمىش باستاما قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆتىڭ مەملەكەتتى قالىپتاستىرۋداعى ايرىقشا رولىنە جانە قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي كورىنىس تاۋىپ وتىر.

ماسەلە قالالىق ءماسليحاتتىڭ تۇراقتى كوميسسياسىنىڭ قاراۋىنا شىعارىلىپ، وعان 10 مىڭنان استام ادام كوزبە-كوز جانە Zoom فورماتىندا قاتىستى.

وتىرىس بارىسىندا قالالىق جانە وبلىستىق ءماسليحاتتار دەپۋتاتتارى، ق ر ەڭبەك سىڭىرگەن قايراتكەرلەرى، سپورت قاۋىمداستىعىنىڭ وكىلدەرى ءسوز سويلەپ، ويلارىن ورتاعا سالدى. جيىن قورىتىندىسىندا قاتىسۋشىلار پىكىرلەرىن نازارعا الا وتىرىپ، دەپۋتاتتار ءبىراۋىزدان وسى ماسەلەنى قالالىق ءماسليحات سەسسياسىنا شىعارۋدى ۇسىندى.