Ulttyq kompaniia áleýmettik jelide tarap jatqan sybysqa qatysty ún qatty. Daqpyrt "QazMunaiGaz" UK AQ Direktorlar keńesi men Basqarma múshelerine tólengen syiaqy kólemine qatysty, dep habarlaidy Dalanews.kz.
"QMG Basqarma tóraǵasy Ashat Hasenovke Direktorlar keńesiniń múshesi jáne Basqarma múshesi retinde eki ret syiaqy tólengeni týraly aqparat shyndyqqa janaspaidy. Kompaniianyń birinshi basshysyna tólem Basqarma múshesi retinde atqarǵan qyzmetine ǵana júrgiziledi", delingen kompaniianyń resmi jaýabynda.
Sondai-aq syiaqylar týraly tómendegidei tolyqqandy málimet usynylady:
2024 jyly QMG Basqarmasynyń barlyq múshelerine tólengen syiaqynyń jiyntyq mólsheri 497 815 040 teńgeni qurady. Bul somaǵa bir jyldyń jalaqysy, salyq, zeinetaqy aýdarymdary, áleýmettik tólemder, demalys tólemderi, sondai-aq 2023 jyldyń bonýsy kiredi.
Sondai-aq Hasenovtyń QMG basshysy laýazymyna 2024 jyldyń mamyr aiynda taǵaiyndalǵany, tiisinshe oǵan 2023 jyl úshin, sondai-aq 2024 jyl úshin bonýs tólenbegeni de naqtylanady. 2024 jylǵa arnalǵan bonýstardyń naqty kólemi biyl qorytyndy shyǵarylǵannan keiin ǵana anyqtalatyn bolady.
Ótken jyldyń qorytyndysy boiynsha QazMunaiGaz memlekettik biýdjet pen Ulttyq qorǵa salyq jáne basqa da mindetti tólemder túrinde 1 trln 995 mlrd teńge aýdarǵan eken.
"Búginde QMG elimiz boiynsha munai óndirýdiń 27%, tasymaldaýdyń 57% jáne óńdeýdiń 80% qamtamasyz etedi. Sondai-aq QMG — respýblikamyzdaǵy iri jumys berýshilerdiń biri", - deidi ulttyq kompaniiadaǵylar.
Aita ketsek, búginderi "Samuryq-Qazynaǵa" jáne birqatar ulttyq kompaniialarǵa aýditorlyq tekseris júrgizilip jatqany belgili.
