Eske salaıyq, 10 qarashada áskerde qaza bolǵan sarbazdardyń analary Astanada narazylyqqa shyqqan bolatyn.
Bas prokýror Astanada mıtıńige shyqqan sarbazdardardyń analarymen kezdesedi, dep habarlaıdy Dalanews.kz.
Bul týraly bas prokýror Berik Asylov habarlady.
Memleket basshysynyń tapsyrmasyn oryndaý maqsatynda Bas prokýratýra men Bas áskerı prokýratýra basshylyǵy qaza tapqan jáne jaraqat alǵan áskerı qyzmetshilerdiń analaryn qabyldaıdy.
Olardyń árbir ýáji nazardan tys qalmaıdy. Sondaı-aq áskerı qyzmetshilerdiń qaza tabýy men jaraqat alýyn boldyrmaý jónindegi jumystarǵa, áskerı qyzmetke shaqyrýdyń zańdylyǵyna jáne medısınalyq qyzmettiń qorytyndylarynyń negizdiligine baǵa beriledi.
Osy jumysqa Qorǵanys mınıstrligi men Ulttyq ulannyń ortalyq apparattarynyń ókilderi tartyldy.
