Үкімет үйінің алдына әскерде қаза тапқан сарбаздардың ата-аналары жиналды, деп хабарлайды Dalanews.kz.
Бұл туралы журналист Лұқпан Ахмедьяров хабарлады.
"Бүгін Үкімет үйінің алдына бейбіт уақытта әскери борышын өтеп жүріп қаза тапқан сарбаздардың ата-аналары келді. Оларды қорғаныс министрі немесе министрлік өкілі қабылдайды деп жоспарланған. Ал қазір полиция жиналысты заңсыз деп танып, адамдарды тарауға шақырып жатыр", – деді Ахмедьяров әлеуметтік желіде жариялаған видеосында.
Видео кадрларында ата-аналардың реформалар жасауды талап етіп тұрғанын көруге болады.
