«Jambyl oblysynyń turǵyndary tarabynan oblystyq İshki ister departamenti qyzmetkerleriniń is-áreketine shaǵymdardyń jıilep ketýine baılanysty Bas prokýrordyń tapsyrmasymen atalǵan óńirge baryp, naqty qylmystyq ister boıynsha qabyldanǵan sheshimderdi tekseretin vedomstvoaralyq top qurylady. Topty Bas prokýrordyń orynbasary E.Kenenbaev basqarady», - delingen habarlamada.
Sonymen qatar Bas prokýratýranyń baspasóz qyzmeti tolyq aqparat sot talqylaýy men vedomstvoaralyq toptyń jumys nátıjesi boıynsha usynylatyndyǵyn atap ótken.
Búgin QR Bas prokýrory Jaqyp Asanov qadaǵalaýshy organ ǵımaraty aldynda ózin órtep jibergennen keıin qaıtys bolǵan Maıra Rysmanovanyń ápkesin qabyldaǵan bolatyn. Esterińizge sala ketsek, aǵymdaǵy jyldyń 6 jeltoqsany kúni kúndizgi saǵat 12-16-da QR Bas prokýratýrasynyń baqylaý-ótkizý pýnktinde 1968 jyly dúnıege kelgen Maıra Rysmanova ózin-ózi órtep, qalalyq aýrýhanaǵa jetkizilgen. Onyń mundaı qadamǵa barýyna uly E.Ahmetovtiń iri kólemde esirtki saqtady degen aıyppen 4,5 jylǵa sottalýy sebep bolǵan. Búgin Maıra Rysmanova elorda aýrýhanalarynyń birinde qaıtys boldy.
