«جامبىل وبلىسىنىڭ تۇرعىندارى تارابىنان وبلىستىق ىشكى ىستەر دەپارتامەنتى قىزمەتكەرلەرىنىڭ ىس-ارەكەتىنە شاعىمداردىڭ جيىلەپ كەتۋىنە بايلانىستى باس پروكۋروردىڭ تاپسىرماسىمەن اتالعان وڭىرگە بارىپ، ناقتى قىلمىستىق ىستەر بويىنشا قابىلدانعان شەشىمدەردى تەكسەرەتىن ۆەدومستۆوارالىق توپ قۇرىلادى. توپتى باس پروكۋروردىڭ ورىنباسارى ە.كەنەنبايەۆ باسقارادى»، - دەلىنگەن حابارلامادا.
سونىمەن قاتار باس پروكۋراتۋرانىڭ باسپا ءسوز قىزمەتى تولىق اقپارات سوت تالقىلاۋى مەن ۆەدومستۆوارالىق توپتىڭ جۇمىس ناتيجەسى بويىنشا ۇسىنىلاتىندىعىن اتاپ وتكەن.
بۇگىن ق ر باس پروكۋرورى جاقىپ اسانوۆ قاداعالاۋشى ورگان عيماراتى الدىندا ءوزىن ورتەپ جىبەرگەننەن كەيىن قايتىس بولعان مايرا رىسمانوۆانىڭ اپكەسىن قابىلداعان بولاتىن. ەستەرىڭىزگە سالا كەتسەك، اعىمداعى جىلدىڭ 6 جەلتوقسانى كۇنى كۇندىزگى ساعات 12-16-دا ق ر باس پروكۋراتۋراسىنىڭ باقىلاۋ-وتكىزۋ پۋنكتىندە 1968 جىلى دۇنيەگە كەلگەن مايرا رىسمانوۆا ءوزىن-وزى ورتەپ، قالالىق اۋرۋحاناعا جەتكىزىلگەن. ونىڭ مۇنداي قادامعا بارۋىنا ۇلى ە.احمەتوۆتىڭ ءىرى كولەمدە ەسىرتكى ساقتادى دەگەن ايىپپەن 4،5 جىلعا سوتتالۋى سەبەپ بولعان. بۇگىن مايرا رىسمانوۆا ەلوردا اۋرۋحانالارىنىڭ بىرىندە قايتىس بولدى.