Memleket basshysy Ishki ister ministri Erjan Sádenovti qabyldady, dep habarlaidy Dalanews.kz.
Prezidentke eldegi kriminogendik ahýal týraly jáne qoǵamdyq qaýipsizdik pen quqyqtyq tártipti qamtamasyz etý jóninde buǵan deiin bergen tapsyrmalarynyń oryndalý barysy baiandaldy.
Erjan Sádenov:
- biylǵy eki aidyń qorytyndysy boiynsha Qazaqstanda qylmys deńgeii 8 paiyzǵa tómendegenin jetkizdi.
Bul byltyrǵy sáikes kezeńmen salystyrǵanda 1,3 myńǵa az.
Quqyqbuzýshylyqtyń negizgi sanattaryndaǵy kórsetkish tómendep, qylmystardy ashý deńgeiiniń artqany baiqalady.
Internet-alaiaqtyqqa qarsy júieli kúres jalǵasýda. Aldyn alý sharalary jáne sheteldik quqyq qorǵaý organdarymen ózara is-qimyldyń arqasynda kiberqylmys kólemi 4 paiyzǵa tómendedi.
Uiymdasqan qylmysqa qarsy is-qimyl aiasynda 71 adam qylmystyq jaýapkershilikke tartyldy, 11 toptyń qyzmeti toqtatyldy.
Esirtki qylmysyna qarsy kúres belsendi túrde júrgizilip keledi: bes esirtki zerthanasy joiyldy. 881,5 kilo ártúrli esirtki zattarynyń, sonyń ishinde 104 kilodan astam sintetikalyq esirtkiniń zańsyz ainalymǵa enýine jol berilmedi.
- kóshelerdegi quqyqtyq tártip pen jol qaýipsizdigin qamtamasyz etý úshin tsifrlyq sheshimderdi keńinen qoldaný, kóshi-qon baqylaýyn kúsheitý jáne jazadan bultartpaý jónindegi sharalar týraly málimet berdi.
Azamattardy qorǵaýǵa baǵyttalǵan zańnamalyq bastamalarǵa erekshe nazar aýdaryldy.
2025 jyly «Quqyqbuzýshylyqtyń aldyn alý týraly» Zań qabyldandy. Dropperlik, stalking jáne nekege májbúrleý úshin qylmystyq jaýapkershilik engizildi.
Memleket basshysy eldegi qoǵamdyq qaýipsizdik pen quqyqtyq tártipti odan ári nyǵaitýǵa baǵyttalǵan birqatar naqty tapsyrma berdi.
