مەملەكەت باسشىسى ٸشكٸ ٸستەر مينيسترٸ ەرجان سەدەنوۆتٸ قابىلدادى, دەپ حابارلايدى Dalanews.kz.
پرەزيدەنتكە ەلدەگٸ كريمينوگەندٸك احۋال تۋرالى جەنە قوعامدىق قاۋٸپسٸزدٸك پەن قۇقىقتىق تەرتٸپتٸ قامتاماسىز ەتۋ جٶنٸندە بۇعان دەيٸن بەرگەن تاپسىرمالارىنىڭ ورىندالۋ بارىسى باياندالدى.
ەرجان سەدەنوۆ:
- بيىلعى ەكٸ ايدىڭ قورىتىندىسى بويىنشا قازاقستاندا قىلمىس دەڭگەيٸ 8 پايىزعا تٶمەندەگەنٸن جەتكٸزدٸ.
بۇل بىلتىرعى سەيكەس كەزەڭمەن سالىستىرعاندا 1,3 مىڭعا از.
قۇقىقبۇزۋشىلىقتىڭ نەگٸزگٸ ساناتتارىنداعى كٶرسەتكٸش تٶمەندەپ, قىلمىستاردى اشۋ دەڭگەيٸنٸڭ ارتقانى بايقالادى.
ينتەرنەت-الاياقتىققا قارسى جٷيەلٸ كٷرەس جالعاسۋدا. الدىن الۋ شارالارى جەنە شەتەلدٸك قۇقىق قورعاۋ ورگاندارىمەن ٶزارا ٸس-قيمىلدىڭ ارقاسىندا كيبەرقىلمىس كٶلەمٸ 4 پايىزعا تٶمەندەدٸ.
ۇيىمداسقان قىلمىسقا قارسى ٸس-قيمىل اياسىندا 71 ادام قىلمىستىق جاۋاپكەرشٸلٸككە تارتىلدى, 11 توپتىڭ قىزمەتٸ توقتاتىلدى.
ەسٸرتكٸ قىلمىسىنا قارسى كٷرەس بەلسەندٸ تٷردە جٷرگٸزٸلٸپ كەلەدٸ: بەس ەسٸرتكٸ زەرتحاناسى جويىلدى. 881,5 كيلو ەرتٷرلٸ ەسٸرتكٸ زاتتارىنىڭ, سونىڭ ٸشٸندە 104 كيلودان استام سينتەتيكالىق ەسٸرتكٸنٸڭ زاڭسىز اينالىمعا ەنۋٸنە جول بەرٸلمەدٸ.
- كٶشەلەردەگٸ قۇقىقتىق تەرتٸپ پەن جول قاۋٸپسٸزدٸگٸن قامتاماسىز ەتۋ ٷشٸن تسيفرلىق شەشٸمدەردٸ كەڭٸنەن قولدانۋ, كٶشٸ-قون باقىلاۋىن كٷشەيتۋ جەنە جازادان بۇلتارتپاۋ جٶنٸندەگٸ شارالار تۋرالى مەلٸمەت بەردٸ.
ازاماتتاردى قورعاۋعا باعىتتالعان زاڭنامالىق باستامالارعا ەرەكشە نازار اۋدارىلدى.
2025 جىلى «قۇقىقبۇزۋشىلىقتىڭ الدىن الۋ تۋرالى» زاڭ قابىلداندى. دروپپەرلٸك, ستالكينگ جەنە نەكەگە مەجبٷرلەۋ ٷشٸن قىلمىستىق جاۋاپكەرشٸلٸك ەنگٸزٸلدٸ.
مەملەكەت باسشىسى ەلدەگٸ قوعامدىق قاۋٸپسٸزدٸك پەن قۇقىقتىق تەرتٸپتٸ ودان ەرٸ نىعايتۋعا باعىتتالعان بٸرقاتار ناقتى تاپسىرما بەردٸ.
