QMDB tóraǵasy, bas múfti Naýryzbai qajy Taǵanuly LGBT-ǵa qatysty málimdeme jasady, dep habarlaidy Dalanews.kz.
"Bul bizdiń ulttyq qundylyǵymyzǵa, salt-dástúrimizge, ata-baba jolyna qarsy dúnie. Ókinishke qarai, batys elderinen kelip jatqan, qazirgi tańda bizdiń elimizde de tóbe kórsetip jatqan bul arsyzdyqtyń aldyn alýymyz qajet. Ata saltyn berik ustanǵan azamat retinde, árine, buǵan biz qarsymyz. Óitkeni, bul – arsyzdyq, ashyq arsyzdyq dúnie. Úlken kúná. Bunyń azaby óte úlken", deidi bas múfti.
Toqaev LGBT týraly
Memleket basshysy IV Ulttyq quryltaida LGBT týraly sóz qozǵaǵan bolatyn.
«Jahandaný úderisiniń mán-mańyzy joǵalyp barady. Memlekettik ultshyldyq, yqpal júrgizetin aýmaqtardy bóliske salý, álemdik saiasatta aimaqtarǵa bóliný úrdisi aldyńǵy qatarǵa shyqty. Demokratiialyq moraldyq delinip júrgen qundylyqtar, onyń ishinde LGBT kóptegen elge ondaǵan jyl boiy kúshpen tańylyp, sonyń jeleýimen halyqaralyq úkimettik emes uiymdar men qorlar arqyly memleketterdiń ishki isine ashyq aralasý beleń aldy. Onyń túpki maqsaty bar bolǵany urlyq, iaǵni san milliardtyq biýdjetti qaltaǵa basý eken.
«Damý men demokratiia», «adam quqyqtary», «baspasóz bostandyǵy», «sybailas jemqorlyqqa qarsy kúres» dep urandatyp júrgenderdiń báriniń derlik jeke bailyǵy jalaqysynyń mólsherine esh sai kelmeidi. Sondyqtan Prezident Tramp bastaǵan Amerika ákimshiliginiń jappai qyzmet babyn asyra paidalanýǵa qatysty oqiǵalardy anyqtaýǵa jáne «tuńǵiyq memleket» uǵymyna tán saiasi ekijúzdilikti áshkereleýge, dástúrli moraldyq qundylyqtardy qalpyna keltirýge baǵyttalǵan jumystary qoldaýǵa laiyq", degen edi prezident.
Toqaev AQSh-ta jasalyp jatqan sharýanyń bári búkil álemge tikelei áser etetini barshaǵa málim ekenin atap ótken bolatyn.
