Qaraǵandy oblystyq PD baspasóz qyzmetine silteme jasap. Oǵan shabýyldy «Qazaqmys Korporatsiiasy» JShS «Kásipqorǵan» kásipodaq tóraǵasy T.A.Tájbenov jasaǵan. Olardyń arasynda janjal bolǵan eken.
Sodan keiin ol Minigýlovtyń arqasyna pyshaq jaraqatyn salǵan. Oqiǵa 21 qańtarda saǵat 18.20-da bolǵan.
«Qazaqmys Korporatsiiasy» JShS mamany S.A.Tembaev ta zardap shekken, ol qaqtyǵystyń aldyn alýǵa tyrysqan. Onyń keýde tusy pyshaqtan jaraqattanǵan. Kýágerlerdiń aitýynsha, T.A.Tájbenov óz keýdesine pyshaq uryp, oqiǵa ornynda qaza tapqan.
«A.M.Minigýlov pen S.A.Tembaev aýrýhanaǵa jetkizildi. Osy derek boiynsha tergeý júrip jatyr» dep habarlady politsiia qyzmetkerleri.
Sondai-aq, oqiǵa ornynan video paida boldy. «Jedel járdem brigadasy kásiporynnan pyshaq jaraqatymen eki adamdy aýrýhanaǵa jetkizdi. Olardyń bireýine operatsiia jasaldy. Ekinshisine kómek kórsetildi. Ekeýi de «Qazaqmys» kompaniiasynyń meditsinalyq ortalyǵynda» dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.
