«Karantin shekteýi turǵysynan alsaq, Almaty qalasynyń turǵyndary tártipke baǵynbaityn óńirlerdiń kóshin bastap tur. Biz muny kórip otyrmyz. Ákimdik tarapynan qandai bolsyn ideologiialyq is-shara júrgizilýi qajet qoi! Kúlli el karantindi saqtaidy, al Almaty qalasy saqtamaidy. Osy nigilizmnen arylý kerek», – dedi Toqaev.
Budan bólek, Memleket basshysy Almaty dárihanalaryn qajetti dári-dármekpen toltyrý máselesine de toqtaldy. Prezdient dári tapshylyǵy bar ekenin aita kele, dárihana kezegine adam kóp jinalatynyn alǵa tartty.
«Halyq video túsirip, Úkimettiń óz jumysyn tiisti deńgeide oryndamai otyrǵanyn aitady. Al ákimder bolsa dári tapshylyǵy bar ekenin moiyndaǵysy kelmeidi. Jaǵdai baqylaýdan shyǵyp ketti.
Sondai-aq prezident ákimderdiń baryn jumystan qýý týraly keńes berilgenin tilge tiek etti.
"Eks-keńesshi Ertisbaev suhbatynda: «Prezident myrza, Stalin bolatyn kún jetti, bárin qyzmetten qýýyńyz» dep keńes berdi. Ózderińiz osyǵan májbúrlep otyrsyzdar. Ákimder ǵana emes, ministrler jumysynda da olqylyq kóp. Men Almaty týraly ǵana aityp otyrǵan joqpyn. Alaida, Almaty – eń iri qala, ol jerdegi jaǵdai barsha eldegi ahýaldyń kórinisi», – dedi Toqaev.
