«كارانتين شەكتەۋٸ تۇرعىسىنان الساق, الماتى قالاسىنىڭ تۇرعىندارى تەرتٸپكە باعىنبايتىن ٶڭٸرلەردٸڭ كٶشٸن باستاپ تۇر. بٸز مۇنى كٶرٸپ وتىرمىز. ەكٸمدٸك تاراپىنان قانداي بولسىن يدەولوگييالىق ٸس-شارا جٷرگٸزٸلۋٸ قاجەت قوي! كٷللٸ ەل كارانتيندٸ ساقتايدى, ال الماتى قالاسى ساقتامايدى. وسى نيگيليزمنەن ارىلۋ كەرەك», – دەدٸ توقاەۆ.
بۇدان بٶلەك, مەملەكەت باسشىسى الماتى دەرٸحانالارىن قاجەتتٸ دەرٸ-دەرمەكپەن تولتىرۋ مەسەلەسٸنە دە توقتالدى. پرەزديەنت دەرٸ تاپشىلىعى بار ەكەنٸن ايتا كەلە, دەرٸحانا كەزەگٸنە ادام كٶپ جينالاتىنىن العا تارتتى.
«حالىق ۆيدەو تٷسٸرٸپ, ٷكٸمەتتٸڭ ٶز جۇمىسىن تيٸستٸ دەڭگەيدە ورىنداماي وتىرعانىن ايتادى. ال ەكٸمدەر بولسا دەرٸ تاپشىلىعى بار ەكەنٸن مويىنداعىسى كەلمەيدٸ. جاعداي باقىلاۋدان شىعىپ كەتتٸ.
سونداي-اق پرەزيدەنت ەكٸمدەردٸڭ بارىن جۇمىستان قۋۋ تۋرالى كەڭەس بەرٸلگەنٸن تٸلگە تيەك ەتتٸ.
"ەكس-كەڭەسشٸ ەرتٸسباەۆ سۇحباتىندا: «پرەزيدەنت مىرزا, ستالين بولاتىن كٷن جەتتٸ, بەرٸن قىزمەتتەن قۋۋىڭىز» دەپ كەڭەس بەردٸ. ٶزدەرٸڭٸز وسىعان مەجبٷرلەپ وتىرسىزدار. ەكٸمدەر عانا ەمەس, مينيسترلەر جۇمىسىندا دا ولقىلىق كٶپ. مەن الماتى تۋرالى عانا ايتىپ وتىرعان جوقپىن. الايدا, الماتى – ەڭ ٸرٸ قالا, ول جەردەگٸ جاعداي بارشا ەلدەگٸ احۋالدىڭ كٶرٸنٸسٸ», – دەدٸ توقاەۆ.
