AES qurylysy boiynsha referendýmda daýys bergennen keiin, Prezident Qasym-Jomart Toqaev jýrnalisterdiń suraqtaryna jaýap berdi. Oǵan Úkimettiń qazirgi jumysyna kóńili tola ma degen suraq qoiyldy, dep jazady Dalanews.kz.
"Úkimet belsendi jumys istep jatyr dep oilaimyn. Prezident retinde qoiǵan tapsyrmalardy oryndaýǵa tyrysýda. Jumysymyz qarqyndy, biraq ol árdaiym BAQ arqyly kórinis taba bermeýi múmkin. Men únemi aqparat alyp otyramyn, eldegi jaǵdailardan habardarmyn. Kóp oqityn adammyn. Ministrler men Úkimettiń keibir jumysynda kemshilikter kezdesse, mindetti túrde eskertemin. Jeti ai kóp ýaqyt emes, sondyqtan Úkimet músheleri ózderin áli de kórsete alady. Negizgi mindetimiz – el ekonomikasynyń damýyna jańa serpin beretin múmkindikterdi tabý", – dedi Qasym-Jomart Toqaev.
Eske salaiyq, memleket basshysy Qasym-Jomart Toqaev elordadaǵy sailaý ýchaskesine baryp, AES boiynsha referendýmda daýys bergenin buǵan deiin habarlaǵan edik.
Toqaev tańdaýyn jasaǵannan keiin BAQ ókilderiniń aldyna shyǵyp, birneshe saýalǵa jaýap berdi. Onyń ishinde kópti tolǵandyratyn Atom elektr stantsiiasyn kim salady degen suraq ta boldy.
Prezidenttiń sózinshe, bul qiyn másele.
Sondyqtan Úkimet ony taldap, tiisti kelissózder júrgizýi kerek.
“Biraq bul máselege meniń jeke kózqarasymdy aitsam, Qazaqstanda halyqaralyq konsortsiým jumys isteýi kerek. Ol mindetti túrde eń ozyq tehnologiialary bar jahandyq kompaniialardan turýy kerek. Biraq, ómir kórsetedi", — dedi prezident.
