Qazaqstan Respýblıkasynyń Prezıdenti Q.K.Toqaev myrzaǵa Almaty oblysy Talǵar aýdanynyń kúl-qoqys tasymaldaýshylarynan
Asa qurmetti Qasym-Jomart Kemeluly!
Biz, Talǵar aýdanynyń kúl-qoqys tasymaldaýshylary jáne IP «Jan-Arý» kúl-qoqys suryptaýshylary. Bizdiń jan aıqaıymyz ben osy joldaýymyz Sizge jetedi dep oılaımyz. Sizdiń Qazaqstan halqyna jasap jatqan ıgilikti isińizge kópten kóp rahmet! Jumys berýshiler bizge jalaqylaryn ýaqytyly tóleıdi. Jeke kásipker Aıjigitov Baqtyǵalı Saqymqojuly jetpisti alqymdaǵan zeınetker. Zeınetker jasyna qaramaı áli jumysta, suryptaý stansıasyn ashyp bizge jumys berip otyr. Eń bastysy mektepterge arnap ataýly tulǵalarǵa baǵdarlama jazyp, balalar tárbıesine aralasyp júrgen jan. Óz qarjysyna mektepke arnalǵan kitaptar jazyp, ony mektepterge tegin taratyp júr. Suryptaý stansıasyn 2021 jyly 15 qańtarda ashty. Sodan beri toqtaǵan emes, jalaqylarymyzdy ýaqytyly alamyz. Aýdanǵa Ábdihanov Qaıdar Álıhanuly ákim bolyp kelgeli bizden tynyshtyq qashty. Tekseristen kóz ashpadyq. Estıtinimiz «jabaıyn dep jatyr» degen sóz. Bir ret ózi kelgende ony óz aýzynan estidik. Úlken kisini boqtap, neshe túrli sóz aıtty. Sondaı ákim bola ma?
Janymyzda (10 metr jerde) polıgon bar, bizdi jaýyp soǵan kirgizbekshi (ıesi estýimizshe burynǵy prokýror).
Qaıdar Ábdihanovtyń ákesi Álıhan Toıbaev buryn Talǵar aýdanynyń ákimi, oblys ákiminiń orynbasary bolǵan. Aǵasy Toıbaev Keńdala selolyq okrýginiń ákimi, odan keıin aýdan ákiminiń orynbasary, jer komısıasyn basqarǵan.
Ózi Keńdala selolyq ákimdigin basqarǵan, aǵasynyń ornyna. Keıinnen aǵasy zeınetkerlikke ketkende sonyń ornyna aýdan ákiminiń orynbasary, jer komısıasyn basqarǵan. Sonda bul jeń ushynan jalǵasqan jemqorlyq emeı nemene? Estýimizshe, Keńdala selolyq okrýgynan osy tusta bálenshe gektar jer shyǵarylyp IJS, LPH-ǵa aınaldyryp osy kúnge deıin satylyp jatyr (árıne basqa bireýdiń atynda). Bul ne degen batpan kuıryq? Bul jaǵdaı birneshe ret aıtylyp jatyr. Biraq jabýly qazan jabýly qalpynda qalýda. Osy jaǵdaıdy jiti tekserýińdi ótinemiz.
Q. Ábdihanov Talǵar aýdanyna ákim bolyp kelgeli jumysyn bizdi tekserýden bastady. Quddy aýdanda basqa mańyzdy nysan joq sıaqty. Janyna depýtattar men blogerlerdi toptastyryp alǵan. Barlyǵyna tapsyrma berilgen. Ashyqtan ashyq jabý kerek dep. Estýimizshe ózin aýdannyń jeke ıesimin dep aıtatyn kórinedi. Men ne aıtam, sol bolady deıtin kórinedi. Sonda bul úlkendi syılamaıtyn, Qudaıdan da, Prezıdentten de qoryqpaıtyn qandaı ákim? Ákim bol, halqyńa jaqyn bol degen qaǵıda qaıda? Ábdihanovtyń is-qımyldaryn jiti tekserýińizdi ótinemiz, Prezıdent myrza.
Biz, Talǵar aýdanynyń kúl-qoqysyn tasymaldaýshylary, aldymyz 30 jyldan, artymyz 10 jyldan beri Talǵar qalasy men aýdanynyń kúl-qoqysyn polıgonǵa tasımyz. Basynda Qulja trassasyndaǵy polıgonǵa tasıtynbyz. Ushaq qulaǵannan keıin keıin polıgondy aýystyrdy. Ol burynǵy qazylǵan, qıyrshyq tas alynǵan úlken shuńqyr. Mashınamen ishine túsip shyǵý qys kezi turmaq jaz mezgiliniń ózinde óte qıyn. Al qysta shuńqyrdan shyǵý úshin qosymsha bir mashına kerek. Súırep shyǵarý úshin. Amalsyz kóndik, kónbeske amal joq. Baǵasy da qymbat. Ár Kamaz úshin 7-8 myń teńge, ZIL úshin 6-7 myń teńge. 2021 jyly qańtar aıynda janynan kúl-qoqys suryptaý stansıasy ashyldy «Jan-Arý» degen. Eshqandaı shuńqyrǵa túspeısiń, baǵasy da tıimdi, 3-4 myń teńge ár mashınaǵa. Mynandaı baǵanyń sharyqtap turǵanynda bizge tıimdi. Bar joǵy 30 sotok jer, biraq tıimdi paıdalanyp jatyr. 5 mln teńgege kúl-qoqys qaldyqtaryn jaǵatyn pesh alyndy. Jaqyn arada kúl-qoqys presteıtin pres, on metrlik lınıa alyndy. Qazirgi kezde janynan zaýyt salynyp jatyr. Munyń bári bir jylda istelgen nárse. Kemshilikter joq emes, bar. Baqtyǵalı Saqymqojuly aǵamyz onyń barlyǵyn joıýǵa tyrysyp jatyr, zeınetker jetpisti alqymdasa da áli jumysta.
Suryptaý stansıasynyń qujattary túgel, ruqsat qaǵazdary bar. Eki polıgonnyń arasy 10 metr. Osyǵan qaramaı 2021 jyly aǵamyzdyń polıgonyn 8 ret tekserdi, aryz jazyp jatyr degen syltaýmen. Aryzdy jazdyryp jatqan ózderi, polıgon bir jylda 4 ret órtendi. Uıymdastyryp jatqan ózderi, tipti aıdalada turǵan vagondy órtep jiberdi. Aýdandyq prokýratýra, ishki ister basqarmasy, oblystyq ekologıa tekseristen kóz ashtyrmady. Oblystyq ekologıa aryz jazylǵan degen jeleýmen tórt ret tekserdi. Eki mıllıonnan astam aıyppul salyndy. Osynyń bárin uıymdastyryp otyrǵan qazirgi ákim Q.Ábdihanov, burynǵy oblys ákimi orynbasarynyń balasy.
Daýdyń basy Daırabaıdyń kók sıyry demekshi, kezinde Baqtyǵalı Saqymqojuly Suryptaý stansıasyn salýǵa 30 sotok jer azdaý dep qosymsha jer suraıdy. Sol kezdegi ákim Y.Satpaev 9 sotok jer taýyp komısıadan ótkizedi. Keıinnen ákim bolyp Erekeshov keledi (paramen ustalǵan). Sol kezde Baqtyǵalı Saqymqojuly ákim Erekeshovtyń qabyldaýynda bolady (eki ret). Erekeshov óziniń orynbasary Ábdihanovqa jiberedi. Aǵamyz Ábdihanovqa kelgende ol ákim surap jatyr dep para suraıdy. Baqtyǵalı Saqymqojuly ashýlanyp ketip qalady. Keıinnen oblys ákimine (Batalovqa), Bas prokýratýraǵa aryz jazady. Ábdihanovtyń jazylǵan sózi bar «Men seniń kózińdi qurtamyn» degen. Mine sózinde turyp qurtqysy keledi, biraq aǵamyz berilmeı keledi.
Sonda qalaı, qudaıdan da, halyqtan da qoryqpaıtyn Ábdihanov Talǵar aýdanyn jeke dara bılep-tóstemekshi me? Aǵam Pavlodar oblysynyń prokýrory deıtin kórinedi. Jaqynda Ábdihanovtyń tapsyrmasymen maslıhattyń eki depýtaty kelip bastaryna áńgir taıaq oınatyp ketipti (vıdeo zapıs bar). Kórshilerden arendaǵa alyp otyrǵan jerdi paıdalanýǵa quqylaryń joq depti. Bul ne bassyzdyq? Ómiri bolmaǵan ekologıcheskıı sovet degen quryp, IP «Jan-Arýdy» qaraǵan. 20-30 jyl zańsyz jumys istep jatqan mekemelerdi nege qaramaıdy?!
Asa qurmetti Qasym-Jomart Kemeluly, bizdiń úndeýimizdi jan-jaqty qarap, Ábdihanovty jazalap jumystan alýyńyzdy ótinemiz. Aıjigitov Baqtyǵalı Saqymqojulynyń burynǵy jazǵan aryzdary qaralsyn. Ábdihanov bassyzdyǵyn toqtatsyn.
Kúl-qoqys zaýyty tolyqqandy jumys isteý úshin qosymsha keminde 2 gektar jer berýińizdi suraımyz. Joǵarǵy aıtylǵan máselerge sizdiń aralasýyńyzdy suraımyz. Bizdiń jalǵyz úmitimiz Sizde.
Qol qoıýshylar:
