Baqyt Esimova Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaiyndaldy, dep habarlaidy dalanews.kz.
Aqordanyń habarlaýynsha, tiisti ókimge Memleket basshysy qol qoiǵan.
«Memleket basshysynyń ókimimen Baqyt Amangeldiqyzy Esimova Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaiyndaldy», – delingen resmi habarlamada.
Baqyt Esimova kim?
Baqyt Esimova 1984 jylǵy 29 qańtarda Pavlodar oblysy Baianaýyl aýdanynyń Maiqaiyń aýylynda dúniege kelgen.
Ol Sankt-Peterbýrg memlekettik injenerlik-ekonomikalyq ýniversitetin, sondai-aq AQSh-taǵy Kaliforniia ýniversitetin támamdaǵan.
Eńbek jolyn 2006 jyly Qazaqstan jastar kongresinde bastaǵan. Bul uiymda menedjer qyzmetinen atqarýshy direktor apparatynyń basshysy laýazymyna deiin kóterilgen.
2007-2008 jyldary «Saýda saiasatyn damytý ortalyǵy» AQ-da sarapshy bolyp jumys istedi.
2008-2010 jyldary Qazaqstan Respýblikasy Memlekettik qyzmet isteri agenttiginde Strategiialyq josparlaý jáne qoǵammen bailanys bóliminiń bastyǵy qyzmetin atqardy.
2010 jyly Aqmola oblysynyń Jumyspen qamtý jáne áleýmettik baǵdarlamalardy úilestirý departamenti bastyǵynyń orynbasary bolyp taǵaiyndaldy. Bir jyldan keiin osy departamentti basqardy.
2013-2015 jyldary Aqmola oblysy ákiminiń apparat basshysy qyzmetin atqardy.
2015 jyldan 2020 jyldyń qyrkúiegine deiin Astana qalasynyń ishki saiasat departamentin basqardy.
2020 jyldyń qyrkúieginen 2022 jyldyń mamyryna deiin Qostanai oblysy ákiminiń orynbasary boldy.
Al 2022 jyldyń mamyrynan bastap Prezident Ákimshiliginiń Ótinishterdi qaraýdy baqylaý bólimi meńgerýshisiniń orynbasary qyzmetin atqaryp keldi.
