Medeý aýdanynda abattandyrý boiynsha júzege asyp jatqan aýqymdy jobalardyń biri – sý qorǵaý jolaǵyn jáne Esentai ózeniniń arnasyn sý bólgishten Jamaqaev kóshesine deiin rekonstrýktsiialaý jumysy. Qala ákimi jaǵalaýlardyń jóndelgen jáne nyǵaitylǵan ýchaskelerin, sondai-aq ózen arnasynyń keńeigen ári tereńdetilgen jerlerin aralap kórdi.
Jaiaý júrginshiler joly aralas jasalady, iaǵni, keibir bólikterge asfalt tóseledi, basqalary aǵashtan jasalady. Baqytjan Saǵyntaev turǵyndarǵa barynsha yńǵaily bolý úshin baspaldaqsyz jaily ótpeli jol jasaýdy tapsyrdy.
Jalpy uzyndyǵy 4,2 shaqyrym bolatyn jaiaý júrginshiler aýmaǵynyń boiyna syrtqy jaryqtyń 350 baǵanalary men kishi sáýlet pishinderi ornatylady, qoqys jáshikteri, oryndyqtar qoiylady, munda balalardyń oiyn alańdary, jaiaý júrginshiler kópirleri men kórý palýbalary bolady. Sanitarlyq-gigienalyq qurylǵylardy da ornatý qarastyrylǵan. Qala ákiminiń tapsyrmasy boiynsha jańa Tereńqurǵa ainalatyn jaiaý júrginshiler aimaǵy abattandyrý jumystary aiaqtalǵan soń serýendeý úshin kezeń-kezeńmen ashylatyn bolady.
Qala ákimi Baqytjan Saǵyntaev «Almaty» TA-daǵy Akimat LIVE baǵdarlamasynyń tikelei efirinde Tairov kóshesiniń turǵyndary ótinish bildirgen kóshkin qaýpi paida bolǵan jaǵdaimen de tanysty. Qala ákiminiń tapsyrmasy boiynsha jaqyn arada betkeidi nyǵaitý jumystary bastalady. Tairov kóshesiniń boiyna ornalasqan 72 úi turǵyndarynyń qaýipsizdigin qamtamasyz etý mindeti qoiyldy.
Almaty ákimi ITP AEA janyna ornalasqan Alataý shaǵyn aýdanyn damytýǵa erekshe nazar aýdardy. Baqytjan Saǵyntaevtyń tapsyrmasy boiynsha birinshi kezekte kúrdeli jóndeýdi qajet etetin aýrýhana ǵimaratyna saraptama júrgiziledi. Munda shaǵyn aýdannyń 10 myńnan astam turǵynyna meditsinalyq qyzmet kórsetiledi.
Qala ákimi 1200 oqýshyǵa eseptelgen №7 mekteptiń ǵimaratyn kúrdeli jóndeý jumysynyń barysymen tanysty. Onyń tapsyrmasy boiynsha mektep jańa oqý jylyna daiyn bolýy tiis. Budan ózge, jyl sońyna deiin aýysymyna 150 kelýshige arnalǵan DSK paidalanýǵa berý josparlanýda.
«Biýdjetke qatysý» aiasynda abattandyrý jumystary júrip jatqan Ardagerler alleiasyna barǵan ákimge jergilikti turǵyndar jasóspirimderge arnalǵan skeit-park salýdy surady. Baqytjan Saǵyntaevtyń tapsyrmasy boiynsha bul másele zerdelenetin bolady.
Budan ózge, qala ákimi turǵyndardyń ótinishi boiynsha aýmaǵy jeke menshikke tiesili Uly Otan soǵysy ardagerleri skveriniń qazirgi jaǵdaiymen tanysty. Jer teliminiń iesi saiabaqty abattandyrý jobasyn ázirleýge jáne ony usynýǵa niet bildirdi.
