مەدەۋ اۋدانىندا اباتتاندىرۋ بويىنشا جۇزەگە اسىپ جاتقان اۋقىمدى جوبالاردىڭ ءبىرى – سۋ قورعاۋ جولاعىن جانە ەسەنتاي وزەنىنىڭ ارناسىن سۋ بولگىشتەن جاماقايەۆ كوشەسىنە دەيىن رەكونسترۋكسيالاۋ جۇمىسى. قالا اكىمى جاعالاۋلاردىڭ جوندەلگەن جانە نىعايتىلعان ۋچاسكەلەرىن، سونداي-اق وزەن ارناسىنىڭ كەڭەيگەن ءارى تەرەڭدەتىلگەن جەرلەرىن ارالاپ كوردى.
جاياۋ جۇرگىنشىلەر جولى ارالاس جاسالادى، ياعني، كەيبىر بولىكتەرگە اسفالت توسەلەدى، باسقالارى اعاشتان جاسالادى. باقىتجان ساعىنتايەۆ تۇرعىندارعا بارىنشا ىڭعايلى بولۋ ءۇشىن باسپالداقسىز جايلى وتپەلى جول جاساۋدى تاپسىردى.
جالپى ۇزىندىعى 4،2 شاقىرىم بولاتىن جاياۋ جۇرگىنشىلەر اۋماعىنىڭ بويىنا سىرتقى جارىقتىڭ 350 باعانالارى مەن كىشى ساۋلەت پىشىندەرى ورناتىلادى، قوقىس جاشىكتەرى، ورىندىقتار قويىلادى، مۇندا بالالاردىڭ ويىن الاڭدارى، جاياۋ جۇرگىنشىلەر كوپىرلەرى مەن كورۋ پالۋبالارى بولادى. سانيتارلىق-گيگيەنالىق قۇرىلعىلاردى دا ورناتۋ قاراستىرىلعان. قالا اكىمىنىڭ تاپسىرماسى بويىنشا جاڭا تەرەڭقۇرعا اينالاتىن جاياۋ جۇرگىنشىلەر ايماعى اباتتاندىرۋ جۇمىستارى اياقتالعان سوڭ سەرۋەندەۋ ءۇشىن كەزەڭ-كەزەڭمەن اشىلاتىن بولادى.
دۋمان شاعىن اۋدانىندا جولداردى كۇردەلى جوندەۋدەن وتۋدە. بۇگىندە ۇزىندىعى 5،2 شاقىرىم بولاتىن 14 كوشەگە اسفالت توسەۋ اياقتالدى. ۇزىندىعى 22،2 شاقىرىم بولاتىن 39 كوشەگە اسفالت توسەلەتىن بولادى. جۇمىس بارىسىن كورگەن باقىتجان ساعىنتايەۆ دۋمان شاعىن اۋدانىنىڭ ورتالىق كوشەلەرىندەگى جۇمىستى اياقتاۋدى جانە شەتكى كوشەلەرگە ءوتۋدى تاپسىردى.
قالا اكىمى باقىتجان ساعىنتايەۆ «الماتى» تا-داعى Akimat LIVE باعدارلاماسىنىڭ تىكەلەي ەفيرىندە تايروۆ كوشەسىنىڭ تۇرعىندارى ءوتىنىش بىلدىرگەن كوشكىن ءقاۋپى پايدا بولعان جاعدايمەن دە تانىستى. قالا اكىمىنىڭ تاپسىرماسى بويىنشا جاقىن ارادا بەتكەيدى نىعايتۋ جۇمىستارى باستالادى. تايروۆ كوشەسىنىڭ بويىنا ورنالاسقان 72 ءۇي تۇرعىندارىنىڭ قاۋىپسىزدىگىن قامتاماسىز ەتۋ مىندەتى قويىلدى.
الماتى اكىمى يتپ اەا جانىنا ورنالاسقان الاتاۋ شاعىن اۋدانىن دامىتۋعا ەرەكشە نازار اۋداردى. باقىتجان ساعىنتايەۆتىڭ تاپسىرماسى بويىنشا ءبىرىنشى كەزەكتە كۇردەلى جوندەۋدى قاجەت ەتەتىن اۋرۋحانا عيماراتىنا ساراپتاما جۇرگىزىلەدى. مۇندا شاعىن اۋداننىڭ 10 مىڭنان استام تۇرعىنىنا مەديسينالىق قىزمەت كورسەتىلەدى.
قالا اكىمى 1200 وقۋشىعا ەسەپتەلگەن №7 مەكتەپتىڭ عيماراتىن كۇردەلى جوندەۋ جۇمىسىنىڭ بارىسىمەن تانىستى. ونىڭ تاپسىرماسى بويىنشا مەكتەپ جاڭا وقۋ جىلىنا دايىن بولۋى ءتيىس. بۇدان وزگە، جىل سوڭىنا دەيىن اۋىسىمىنا 150 كەلۋشىگە ارنالعان دسك پايدالانۋعا بەرۋ جوسپارلانۋدا.
«بيۋدجەتكە قاتىسۋ» اياسىندا اباتتاندىرۋ جۇمىستارى ءجۇرىپ جاتقان ارداگەرلەر اللەياسىنا بارعان اكىمگە جەرگىلىكتى تۇرعىندار جاسوسپىرىمدەرگە ارنالعان سكەيت-پارك سالۋدى سۇرادى. باقىتجان ساعىنتايەۆتىڭ تاپسىرماسى بويىنشا بۇل ماسەلە زەردەلەنەتىن بولادى.
بۇدان وزگە، قالا اكىمى تۇرعىنداردىڭ ءوتىنىشى بويىنشا اۋماعى جەكە مەنشىككە تيەسىلى ۇلى وتان سوعىسى ارداگەرلەرى سكۆەرىنىڭ قازىرگى جاعدايىمەن تانىستى. جەر تەلىمىنىڭ يەسى ساياباقتى اباتتاندىرۋ جوباسىن ازىرلەۋگە جانە ونى ۇسىنۋعا نيەت ءبىلدىردى.
سونداي-اق، باقىتجان ساعىنتايەۆ كولساي شاعىن اۋدانىنداعى جالپى ۇزىندىعى 15،1 شاقىرىم سۋمەن جابدىقتاۋ جانە سۋدان بۇرۋ جونىندەگى ينجەنەرلىك جەلىلەردىڭ قۇرىلىس قارقىنىمەن تانىستى. بۇگىندە مۇندا 14،5 كم جەلى تارتىلعان. قۇرىلىس اياقتالعان سوڭ جول جامىلعىسىن قالپىنا كەلتىرۋ جوسپارلانعان. جۇمىس ساپارىنىڭ سوڭىندا قالا اكىمى ءال-فارابي داڭعىلى بويىمەن مەڭدىقۇلوۆ كوشەسىنەن دوستىق داڭعىلىنا دەيىن سوزىلعان توعىز قاباتتى 22 ءۇيدىڭ قاسبەتتەرىن اعىمداعى جوندەۋ جۇمىستارىنىڭ بارىسىن كوردى.
